ନୂଆଦିଲ୍ଲୀ: ୫ ରାଜ୍ୟର ବିଧାନସଭା ନିର୍ବାଚନ ଫଳାଫଳ ବାହାରୁ ବାହାରୁ ଦେଶବାସୀଙ୍କ ଉପରେ ମହଙ୍ଗା ମାଡ ହୋଇଛି । ଦୀର୍ଘ ୧୩୭ ଦିନ ପରେ ପେଟ୍ରୋଲ ଓ ଡିଜେଲ ଦର ବଢିଛି । ସମଗ୍ର ଦେଶରେ ପେଟ୍ରୋଲ ଓ ଡିଜେଲ ଦର ଲିଟର ପିଛା ୮୦ ପଇସା ବୃଦ୍ଧି ପାଇଛି । ଆଜି ସକାଳୁ ନୂଆ ଦର ଲାଗୁ ହୋଇଛି । ଓଡିଶାରେ ମଧ୍ୟ ପେଟ୍ରୋଲ ଦର ଦୀର୍ଘଦିନ ପରେ ୧୦୨ ଟଙ୍କା ଟପିଛି ।
ଆଇଓସିଏଲର ତଥ୍ୟ ଅନୁସାରେ, ରାଜଧାନୀ ଦିଲ୍ଲୀରେ ପେଟ୍ରୋଲ ଦର ୯୫.୪୧ ଟଙ୍କାରୁ ବୃଦ୍ଧି ପାଇ ୯୬.୨୧ ଟଙ୍କାରେ ପହଞ୍ଚିଛି ।  ସେହିପରି ଡିଜେଲ ଦର ୮୬.୬୭ ଟଙ୍କାରୁ ୮୭.୪୭ ଟଙ୍କାକୁ ବୃଦ୍ଧି ପାଇଛି ।

ଭୁବନେଶ୍ୱରରେ ପେଟ୍ରୋଲ ୯୬ପଇସା ଓ ଡିଜେଲ ୯୧ ପଇସା ବୃଦ୍ଧି ପାଇଛି । ଭୁବନେଶ୍ୱରରେ ପେଟ୍ରୋଲ ୧୦୨ଟଙ୍କା ୭୪ପଇସା ଓ ଡିଜେଲ ୯୨ଟଙ୍କା ୫୪ ପଇସା ରହିଛି । ବାଲେଶ୍ୱରରେ ପେଟ୍ରୋଲ ୮୫ ଓ ଡିଜେଲ ୮୬ପଇସା ବୃଦ୍ଧି ପାଇ ପେଟ୍ରୋଲ ୧୦୨ଟଙ୍କା ୬୫ ପଇସା ଓ ଡିଜେଲ ୯୨ଟଙ୍କା ୪୯ ପଇସା ରହିଛି । ସେହିପରି ରାଉରକେଲାରେ ପେଟ୍ରୋଲ ୮୫ ଓ ଡିଜେଲ ୮୬ପଇସା ବୃଦ୍ଧି ପାଇ ପେଟ୍ରୋଲ ୧୦୩ଟଙ୍କା ଓ ଡିଜେଲ ୯୩ଟଙ୍କା ୫୯ପଇସାରେ ପହଞ୍ଚିଛି ।

 
ମାଲକାନାଗିରିରେ ପେଟ୍ରୋଲ ୮୪ ଓ ଡିଜେଲ ୮୬ପଇସା ବୃଦ୍ଧି ପାଇ ପେଟ୍ରୋଲ ୧୦୮ଟଙ୍କା ୩୯ ପଇସା ଓ ଡିଜେଲ ୯୮ଟଙ୍କା ୩୦ ପଇସାରେ ପହଞ୍ଚିଛି । ଜୟପୁରରେ ପେଟ୍ରୋଲ ୮୬ ଓ ଡିଜେଲ ୮୫ପଇସା ବୃଦ୍ଧି ପାଇ ପେଟ୍ରୋଲ ୧୦୭ଟଙ୍କା ୩୫ପଇସା ଓ ଡିଜେଲ ୯୭ଟଙ୍କା ୨ପଇସା ରହିଥିବା ସୂଚନା ମିଳିଛି ।

Powered by Froala Editor