ଏୟାରପୋର୍ଟରୁ ଆଇପିଏସ୍ ଅଫିସର ଅରୁଣ ବୋଥ୍ରାଙ୍କ ବ୍ୟାଗ୍‌ରୁ ବାହାରିଛି ୧୦ କେଜି ମଟର ଛୁଇଁ । ଯାହାର ଫେଟୋ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ବୋଥ୍ରା ଜୟପୁର ଏୟାର୍‌ପୋର୍ଟରେ ପ୍ରବେଶ କଲାବେଳେ ସୁରକ୍ଷା କର୍ମୀମାନେ ତାଙ୍କୁ ଅଟକାଇଥିଲେ। ତାଙ୍କ ବ୍ୟାଗ୍ ଉପରେ ସନ୍ଦେହ ହେବାରୁ ସୁରକ୍ଷାକର୍ମୀ ବୋଥ୍ରାଙ୍କୁ ବ୍ୟାଗ୍ ଖୋଲିବାକୁ କହିଥିଲେ। ଆଉ ବ୍ୟାଗ୍‌ରୁ ଯାହା ବାହାରିଥିଲା ମଟର ଛୁଇଁ ।

ଅରୁଣ ବୋଥ୍ରା ବୁଧବାର ସେହି ଫଟୋକୁ ନିଜ ଟ୍ୱିଟରେ ଆକାଉଣ୍ଟରେ ଶେୟାର କରିଛନ୍ତି। ଯଦିଓ ଘଟଣା ସମ୍ପର୍କରେ ବୋଥ୍ରା କୌଣସି ସ୍ପଷ୍ଟ ସୂଚନା ଦେଇ ନାହାଁନ୍ତି, ତେବେ ତାଙ୍କ ଫଟୋରେ ଅନ୍ୟ ଅଫିସର ଓ ଟ୍ୱିଟରାଟୀମାନେ କମେଣ୍ଟ କରିଛନ୍ତି।

କିଛି ଜଣ ମଜାଳିଆ ଅନ୍ଦାଜରେ ଲେଖିଛନ୍ତି, ଏହାକୁ "ମଟର ସ୍ମଗଲିଙ୍ଗ" ହିଁ କୁହାଯିବ । ଏହି ଟ୍ୱିଟଟିକୁ ଏଯାବତ ୪୭.୫ ହଜାର ଲାଇକ୍ସ, ଦୁଇ ହଜାରରୁ ଅଧିକ ଥର ରିଟ୍ୱିଟ ସମେତ ହଜାର ହଜାର ସଂଖ୍ୟକ କମେଣ୍ଟ ବି ମିଳିସାରିଲାଣି । କିଛି ଜଣ ତ ନିଜ ହସକୁ ଆଦୌ କଣ୍ଟ୍ରୋଲ କରିପାରୁନାହାନ୍ତି । କିଛି ଜନତା ଚିନ୍ତା ବି କରିପାରୁନାହାନ୍ତି ଯାତ୍ରା ସମୟରେ କିଏ ଏତେ ପରିମାଣରେ ମଟର ନେଇ ଯାଆନ୍ତି ।

ବୋଥ୍ରାଙ୍କ ପୋଷ୍ଟରେ ଆଇଏସ୍ ଅଫିସର ଶରନ କମେଣ୍ଟ କରି ଲେଖିଛନ୍ତି ଯେ ଥରେ ମୁଁ ମଧ୍ୟ ନାଉ ଓ ବାଇଗଣ ପାଇଁ ହଟହଟା ହୋଇଥିଲି। ଫଳରେ ଇଣ୍ଡିଗୋକୁ ମୋତେ ୨୦୦୦ ଟଙ୍କା ଫାଇନ୍ ଦେବାକୁ ପଡ଼ିଥିଲା।

ସୂଚନା ଯେ, ଅରୁଣ ବୋଥ୍ରା ହେଉଛନ୍ତି ଓଡିଶା କ୍ୟାଡରର ଜଣେ ଆଇପିଏସ ଅଧିକାରୀ । ଯାହାଙ୍କ ପ୍ରକୃତ ଘର ହେଉଛି ରାଜସ୍ଥାନର ଜୟପୁର ଅଂଚଳରେ ।

Powered by Froala Editor