ଜମ୍ମୁ କଶ୍ମୀରରେ ସେନାର ଚିତା ହେଲିକପ୍ଟର ଦୁର୍ଘଟଣାଗ୍ରସ୍ତ
ଭାରତୀୟ ସେନାର ଚିତା ହେଲିକପ୍ଟର ଜମ୍ମୁ କଶ୍ମୀରର ଗୁରେଜ ସେକ୍ଟରର ତୁଲାଇଲ୍ ଅଞ୍ଚଳରେ ଦୁର୍ଘଟଣାଗ୍ରସ୍ତ ହୋଇଛି। ହେଲିକପ୍ଟର୍ଟି ଦୁର୍ଘଟଣା ହେବା ପରେ ତୁରନ୍ତ ଉଦ୍ଧାର ଅଭିଯାନ ଆରମ୍ଭ ହୋଇଛି। କିନ୍ତୁ, ସେଥିରେ ଥିବା ପାଇଲଟ୍ ଏବଂ ସହକାରୀ ପାଇଲଟ୍ ସୁରକ୍ଷିତ ଥିବା କୁହାଯାଉଛି। ସରକାରୀ ଅଧିକାରୀମାନେ ସେ ସଂକ୍ରାନ୍ତରେ ଏପର୍ଯ୍ୟନ୍ତ କୌଣସି ସୂଚନା ଦେଇନାହାନ୍ତି।
ସୂଚନା ମୁତାବକ, ଆଜି ମଧ୍ୟାହ୍ଣରେ କଶ୍ମୀର ଘାଟିରେ ତୁଷାରପାତରେ ବେଳେ ଏହି ଦୁର୍ଘଟଣା ଘଟିଛି। ଫଳରେ ହେଲିକପ୍ଟରଟି ବରଫାବୃତ୍ତ ଅଞ୍ଚଳରେ ଖସିପଡିଛି। ତେବେ ପାଇଲଟ ଓ ସହ ପାଇଲଟ ସୁରକ୍ଷିତ ଥିବା କୁହାଯାଉଛି। ହେଲିକପ୍ଟର ଲ୍ୟାଣ୍ଡିଂ ବେଳେ ଦୁର୍ଘଟଣାଗ୍ରସ୍ତ ହୋଇଥିବା କୁହାଯାଉଛି। ହେଲିପ୍ୟାଡ୍ ଉପରେ ଲ୍ୟାଣ୍ଡିଂ ବେଳେ ହେଲିକପ୍ଟରଟି ନିୟନ୍ତ୍ରଣ ହରାଇ କ୍ରାସ୍ ହୋଇଛି। ସ୍ଥାନୀୟ ଲୋକଙ୍କ କହିବା ମୁତାବକ, ଦୁର୍ଘଟଣା ପୂର୍ବରୁ ସେମାନେ ପରାସୁଟ୍ ଦ୍ୱାରା ହେଲିକପ୍ଟର ଓହ୍ଲାଇ ପଡିଥିବା ସୂଚନା ମିଳିଛି। ତେବେ ଅଧିକାରୀକ ରୂପେ ଏନେଇ କୌଣସି ସ୍ପଷ୍ଟ ସୂଚନା ସାମ୍ନାକୁ ଆସିନାହିଁ।
Powered by Froala Editor
