ରାସ୍ତାରେ ଏକା ବୁଲୁଥିଲା ସନୟିକା, ଉଦ୍ଧାର କଲା ପୁଲିସ ଟିମ୍
ଏକ ପେଙ୍ଗୁଇନ ରାସ୍ତାରେ ବୁଲୁଥିବାବେଳେ ମାନବିକତା ଦେଖାଇଛନ୍ତି ପୁଲିସମାନେ । ତାକୁ ଉଦ୍ଧାର କରି ସୁରକ୍ଷିତ ଭାବେ ଚିଡିଆଖାନାରେ ଛାଡିଛନ୍ତି । ଏ ଘଟଣା ହଙ୍ଗେରୀର । ପେଙ୍ଗୁଇନଟି ହଙ୍ଗେରୀ ରାଜଧାନୀ ବୁଡାପେଷ୍ଟରେ ଚିଡିଆଖାନାରୁ ବାହାରି ରାସ୍ତାରେ ବୁଲୁଥିଲା । ପେଙ୍ଗୁଇନ୍ଟିର ନାମ ସନୟିକା।
ସେହି ସମୟରେ ପୁଲିସ୍ମାନେ ପାଟ୍ରୋଲିଂ କରୁଥିଲେ । ତା’ପରେ ସେମାନେ ତୁରନ୍ତ ତାକୁ ଉଦ୍ଧାର କରିବା ପାଇଁ କାର୍ଯ୍ୟରେ ଲାଗି ପଡ଼ିଥିଲେ। ସନୟିକାଙ୍କୁ ରାସ୍ତାରେ ଦେଖିବା ପରେ ବୁଡାପେଷ୍ଟ୍ ପୁଲିସ୍ ତାକୁ ଉଦ୍ଧାର କରି ସୁରକ୍ଷିତ ଭାବେ ଯଥା ସ୍ଥାନରେ ହସ୍ତାନ୍ତର କରିଥିବା ସୂଚନା ରହିଛି। ସେମାନେ ପେଙ୍ଗୁଇନ୍ଟିକୁ ଏକ କମ୍ଭଳରେ ଗୁଡ଼ାଇ ମେଟ୍ରୋପଲିଟାନ୍ ଜୁ ଓ ବଟାନିକାଲ୍ ଗାର୍ଡେନରେ ହସ୍ତାନ୍ତର କରିଥିଲେ। ପେଙ୍ଗୁଇନଟି ସୁସ୍ଥ ଅଛି । ତେବେ ଏହାର ଏକ ଖବର ଗଣମାଧ୍ୟମରେ ପ୍ରକାଶ ପାଇବା ପରେ ପାଟ୍ରୋଲିଂ ଟିମ୍କୁ ବହୁତ ପ୍ରଶଂସା କରିଛନ୍ତି ।
Powered by Froala Editor
