ପଞ୍ଜାବର ପୂର୍ବତନ ମୁଖ୍ୟମନ୍ତ୍ରୀ ଅମିରନ୍ଦର ସିଂ ହାରିଲେ
![ପଞ୍ଜାବର ପୂର୍ବତନ ମୁଖ୍ୟମନ୍ତ୍ରୀ ଅମିରନ୍ଦର ସିଂ ହାରିଲେ](https://odishanewslens.com/news_gallery/11518_1646906109.jpg)
ନୂଆଦିଲ୍ଲୀ : ପଞ୍ଜାବରେ ଆପର ଧମାକାଦାର ପ୍ରଦର୍ଶନ ବହୁ ବଡ଼ ବଡ଼ ନେତାଙ୍କ ସ୍ୱପ୍ନକୁ ଧୂଳିସାତ କରିଦେଇଛି । କଂଗ୍ରେସରୁ ବାହାରିବା ପରେ ନୂଆ ଦଳ ଗଢ଼ିଥିବା ପୂର୍ବତନ ମୁଖ୍ୟମନ୍ତ୍ରୀ ଅମିରନ୍ଦର ସିଂ ପଟିଆଲା ଅର୍ବାନ ବିଧାନସଭା ଆସନରୁ ହାରି ଯାଇଛନ୍ତି । ଆପ ପ୍ରାର୍ଥୀ ଅଜିତ ପାଲ ସିଂ କୋହଲି ତାଙ୍କୁ ପରାସ୍ତ କରିଛନ୍ତି ।
ବିଜେପି ସହ ମେଣ୍ଟ କରି ଅମିରନ୍ଦର ନିର୍ବାଚନ ଲଢ଼ିଥିଲେବି ତାଙ୍କୁ ପରାଜୟର ସାମ୍ନା କରିବାକୁ ପଡ଼ିଛି । ଆଜି ଭୋଟ ଗଣତି ଆରମ୍ଭରୁ ସେ ପଛରେ ପଡ଼ି ଯାଇଥିଲେ । ପଞ୍ଜାବ ଲୋକ କଂଗ୍ରେସ ପାର୍ଟିରୁ ସେ ନିର୍ବାଚନ ଲଢ଼ୁଥିଲେ ।
ଅପରପକ୍ଷରେ ପିସିସି ମୁଖ୍ୟ ନବଜ୍ୟୋତି ସିଂ ସିଦ୍ଧୁ ବି ପଛରେ ପଡ଼ିଯାଇଛନ୍ତି । ସେ ଖୁବଶୀଘ୍ର ପଦବୀରୁ ଇସ୍ତଫା ଦେବେ ବୋଲି କହିଛନ୍ତି ।
ପଞ୍ଜାବରେ ଆପ ୯୧ ଆସନରେ ଆଗୁଆ ହୋଇ କ୍ଲିନ ସ୍ୱିପ କରିବାକୁ ଯାଉଛି । ଯେତେବେଳେକି ଶାସକ କଂଗ୍ରେସକୁ ମାଟି କାମୁଡ଼ିବାକୁ ପଡ଼ିଛି । ଦଳ ମାତ୍ର ୧୭ ଆସନରେ ଆଗୁଆ ରହିଛି ।
Powered by Froala Editor