ୟୁକ୍ରେନ ପରେ ମାଲଡୋଭା ଉପରେ ଆକ୍ରମଣ କରିପାରେ ଋଷ
![ୟୁକ୍ରେନ ପରେ ମାଲଡୋଭା ଉପରେ ଆକ୍ରମଣ କରିପାରେ ଋଷ](https://odishanewslens.com/news_gallery/11289_1646294679.jpg)
ଋଷ: ୟୁକ୍ରେନ ପରେ ଋଷ ମାଲଡୋଭା ଉପରେ ଆକ୍ରମଣ କରିପାରେ । ବେଲାଋଷର ରାଷ୍ଟ୍ରପତି ଆଲେକଜାଣ୍ଡର ଲୁକାଶେଙ୍କୋ ଭୁଲରେ ଏହି ଖୁଲାସା କରିଦେଇଛନ୍ତି । ଲୁକାଶେଙ୍କୋ ନିଜର ସୁରକ୍ଷାକର୍ମୀକୁ ସମ୍ବୋଧନ କରି ୟୁକ୍ରେନ୍ରେ ଋଷର ଆକ୍ରମଣର ରାସ୍ତା ସଂପର୍କରେ ବୁଝାଉଥିଲେ । ଯୁଦ୍ଧ ମାନଚିତ୍ର ଜରିଆରେ ସେ ପୁଟିନଙ୍କ ରଣନୀତି ଉପରେ ଚର୍ଚ୍ଚା କରୁଥିବା ସମୟରେ ଭୁଲବଶତଃ ଏହି ମାନଚିତ୍ର ସମସ୍ତଙ୍କ ସାମ୍ନାକୁ ଆସିଯାଇଛି । ଲୁକାଶେଙ୍କୋ ପୁଟିନଙ୍କ ବନ୍ଧୁ ଓ ଋଷର ସହଯୋଗୀ ବେଲାଋଷର ପ୍ରମୁଖ । ତେଣୁ ସେ ପୁଟିନଙ୍କ ରଣନୀତି ଜାଣନ୍ତି । ଏହି ନକ୍ସା ଜରିଆରେ ଲୁକାଶେଙ୍କୋ ନିଜର ଉଚ୍ଚ ଅଧିକାରୀମାନଙ୍କୁ ସେହି ସ୍ଥାନ ସଂପର୍କରେ ତଥ୍ୟ ଦେଉଥିଲେ, ଯେଉଁଠି ଆଗାମୀ ଦିନରେ ଋଷ ବୋମାମାଡ କରିପାରେ । ଫଟୋରେ ଲୁକାଶେଙ୍କୋ ଯୁଦ୍ଧ ମାନଚିତ୍ର ସାମ୍ନାରେ ଛିଡା ହୋଇଥିବା ଦେଖାଯାଉଛି । ସେଥିରେ ୟୁକ୍ରେନ ଓ ମୋଲ୍ଡୋଭା ସ୍ପଷ୍ଟ ଭାବେ ଦେଖାଯାଉଛି ।
ସୂଚନା ଅନୁସାରେ ୟୁକ୍ରେନ ଉପରେ ଋଷର ଆକ୍ରମଣରେ ବେଲାଋଷ ତାକୁ ସହାୟତା କରୁଛି । କିନ୍ତୁ ସିଧାସଳଖ ଭାବେ ଯୁଦ୍ଧରେ ସାମିଲ ହୋଇନାହିଁ । ଅବଶ୍ୟ ୟୁକ୍ରେନର କିଛି ଅଧିକାରୀ ବେଲାଋଷ ଯୁଦ୍ଧରେ ସକ୍ରିୟ ଭୂମିକା ଗ୍ରହଣ କରିଥିବା ନେଇ ଅଭିଯୋଗ କରିଛନ୍ତି ।
Powered by Froala Editor