ନୂଆଦିଲ୍ଲୀ: କୋଭିଡ କଟକଣା ମଧ୍ୟରେ କାଲିଠୁ ସଂସଦର ବଜେଟ୍ ଅଧିବେଶନ ଆରମ୍ଭ ହୋଇଛି । ଏହା ଦୁଇଟି ପର୍ଯ୍ୟାୟରେ ଅନୁଷ୍ଠିତ ହେବ । ଏପ୍ରିଲ ୮ରେ ସରିବ ଅଧିବେଶନ । ଫେବ୍ରୁୟାରୀ ୧୧ଯାଏ ପ୍ରଥମ, ମାର୍ଚ୍ଚ ୧୪ରୁ ଏପ୍ରିଲ ୮ ଯାଏ ଦ୍ୱତୀୟ ପର୍ଯ୍ୟାୟ ଚାଲିବ । ଏହି ପର୍ଯ୍ୟାୟ ଅଧିବେଶନରେ ୧୯ଟି କାର୍ଯ୍ୟଦିବସ ରହିଛି ।
ଆଜି କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣ ସଂସଦରେ ୨୦୨୨-୨୩ଆର୍ଥିକ ବର୍ଷ ଲାଗି ସାଧାରଣ ବଜେଟ୍ ଉପସ୍ଥାପନ କରିବେ । ତେବେ ବଜେଟ୍କୁ ନେଇ ଲୋକେ ବହୁତ କିଛି ଆଶ ରଖିଛନ୍ତି । ଆଜି ପୂର୍ବାହ୍ନ ୧୧ଟାରେ ସାଧାରଣ ଉପସ୍ଥାପନ ହେବ । ବଜେଟରେ ବେକାରୀ ସମସ୍ୟା, ଅର୍ଥନୀତିରେ ମାନ୍ଦାବସ୍ଥା, ଆୟରେ ହ୍ରାସ ଓ ବହୁ ସାମଗ୍ରୀର ଦରଦାମ ବୃଦ୍ଧି ଭଳି ଅର୍ଥନୀତିରେ ଅନେକ ଆହ୍ୱାନ ରହିଛି ।

ବେତନଭୋଗୀମାନେ ଆୟକର ଛାଡ ସୀମା କୋହଳ ହେବ କିମ୍ବା କିଛି ଅତିରିକ୍ତ ସୁବିଧା ମିଳିବ ବୋଲି ଚାହିଁ ରହିଛନ୍ତି । ଅର୍ଥନୀତିରେ ସୁଧାର ପ୍ରକ୍ରିୟାକୁ ତ୍ୱରାନ୍ୱିତ କରିବା ଲାଗି ଭିତ୍ତିଭୂମି, ସ୍ୱାସ୍ଥ୍ୟ, ଶିକ୍ଷା, କୃଷି, ଗ୍ରାମୀଣ ବିକାଶ, ରୋଜଗାର, ପାନୀୟ ଜଳ ଆଦି ଗୁରୁତ୍ୱପୂର୍ଣ୍ଣ କ୍ଷେତ୍ର ଗୁଡିକରେ ବ୍ୟୟବରାଦ ବଢାଇବେ ବୋଲି ଆଶା କରାଯାଉଛି । ଏଥର ବଜେଟ୍ ବ୍ୟୟବରାଦ ୧୪% ବୃଦ୍ଧି ୩୯.୬ଲକ୍ଷ କୋଟି ଟଙ୍କାରେ ପହଞ୍ଚିବ ବୋଲି କୁହାଯାଉଛି ।

Powered by Froala Editor