କରୋନା ର ଭୟାବହତା ପାଇଁ ଏବେ ଲୋକ ପ୍ରାୟ ଘରେ ରହିବାକୁ ପସନ୍ଦ କରୁଛନ୍ତ । ଶୀତଦିନରେ ମଧ୍ୟ ବିଭିନ୍ନ ପ୍ରକାରର ରୋଗ ଆଜିର ସମାଜକୁ ଗ୍ରାସ କରିଛି । ଆଜିକାଲିର ଆଧୁନିକ ଯୁଗରେ ଘରୋଇ ଖାଇବା ବ୍ୟତିରେକ ବର୍ତ୍ତମାନ ଜଙ୍କ ଫୁଡ଼ ଓ ଫାଷ୍ଟଫୁଡ଼ ଆମ ଖାଦ୍ୟର ଏକ ପ୍ରମୁଖ ଅଂଶ ହୋଇଯାଇଛି । ଏହା ମଧ୍ୟ କହିବା ଭୁଲ୍ ହେବ ନାହିଁ ଯେ କିଛି ଲୋକଙ୍କ ପାଇଁ ଦିନର ସମ୍ପୂର୍ଣ୍ଣ ଭୋଜନ ହେଉଛି ଫାଷ୍ଟଫୁଡ୍ । ଏଭଳି ପରିସ୍ଥିତିରେ ପେଟର ଚର୍ବି ବୃଦ୍ଧି ହେବା ସ୍ୱାଭାବିକ। ଅନିୟନ୍ତ୍ରିତ ଖାଦ୍ୟ ହେତୁ ଏହି ଚର୍ବି ବଢ଼ିବାରେ ଲାଗିଥାଏ । ଓଜନ ବୃଦ୍ଧିକୁ ରୋକିବା ଅତ୍ୟନ୍ତ କଷ୍ଟକର ହୋଇଥାଏ । ସେଥିପାଇଁ ଆପଣ ନିଜ ଖାଦ୍ୟରେ ଘରୋଇ ଖାଦ୍ୟ ମଧ୍ୟ ଅନ୍ତର୍ଭୁକ୍ତ କରିବା ଉଚିତ ଓ ବ୍ୟାୟାମ ମଧ୍ୟ କରିବା ଉଚିତ, କିନ୍ତୁ ଏହାର ପ୍ରଭାବ ମଧ୍ୟ ଧୀରେ ଧୀରେ ହେବ । ଅନ୍ୟ ଏକ ଉପାୟ ହେଉଛି ଆପଣଙ୍କ ଖାଦ୍ୟରେ ଓଜନ ହ୍ରାସ ପଦ୍ଧତି ଅନ୍ତର୍ଭୂକ୍ତ କରିବା । ରସୁଣ ପାଣି ହେଉଛି ଏପରି ଏକ ରେସିପି, ଯାହା ଆପଣଙ୍କ ପେଟର ଚର୍ବି ହ୍ରାସ କରିବାର ଗତିକୁ ତ୍ୱରାନ୍ୱିତ କରିଥାଏ । ଏହାର ଉପକାରିତା ବିଷୟରେ ଆସନ୍ତୁ ଜାଣିବା ।

ପୋଷାକ ତତ୍ୱରେ ଭରପୁର:

ରସୁଣ ପାଣିରେ ଅନେକ ପୋଷକ ତତ୍ତ୍ୱ ଅଛି, ଯେପରିକି ଭିଟାମିନ୍ ସି, ଭିଟାମିନ୍ ବି ୬, ମାଙ୍ଗାନିଜ୍ ଓ କ୍ୟାଲସିୟମ୍ । ଏହି ସମସ୍ତ ଶରୀରର ଓଜନକୁ ନିୟନ୍ତ୍ରଣ କରିଥାଏ ଓ ଚର୍ବି ବୃଦ୍ଧିକୁ ରୋକିଥାଏ ।

ଡିଟକ୍ସ ପାନୀୟ:

ରସୁଣ ପାଣି ଏକ ଡିଟକ୍ସ ପାନୀୟ, ଯେଉଁଥିପାଇଁ ଆପଣଙ୍କ ଶରୀରରେ ଥିବା ସମସ୍ତ ବିଷାକ୍ତ ପଦାର୍ଥ ବାହାରକୁ ଆସିବା ଆରମ୍ଭ କରେ । ଏହା ଆପଣଙ୍କ ପେଟକୁ ସଫା କରିଥାଏ ଓ ରୋଗ ପ୍ରତିରୋଧକ ଶକ୍ତି ବଢ଼ାଇଥାଏ । ଯେଉଁଥିପାଇଁ ଓଜନରେ ଯଥେଷ୍ଟ ହ୍ରାସ ଘଟିଥାଏ ।
 ହଜମ ଶକ୍ତିକୁ ଦୃଢ଼ କରନ୍ତୁ:

ରସୁଣର ଏକ ଉଷ୍ମତା ପ୍ରଭାବ ରହିଥାଏ ଓ ଶୀତଦିନେ ଏହା ବହୁତ ଲାଭଦାୟକ । ରସୁଣ ପାଣି ପିଇବା ଦ୍ୱାରା ହଜମ ଶକ୍ତି ବୃଦ୍ଧି ପାଇଥାଏ ଓ ଏହା ଶରୀରର ଚର୍ବିକୁ ଦୂର କରିବାରେ ବହୁତ ସାହାଯ୍ୟ କରିଥାଏ ।

ଭୋକ କମାଇବା:

ରସୁଣ ବାଦାମ ପରି ପୂର୍ଣ୍ଣତାର ଅନୁଭବ ଦେଇଥାଏ । ଯେଉଁ କାରଣରୁ ଭୋକ କମିଯାଏ ଓ ଆପଣ ଅତ୍ୟଧିକ ଭୋଜନରୁ ରକ୍ଷା ପାଇଥା’ନ୍ତି । ଏହି କାରଣରୁ, ଆପଣଙ୍କର ଓଜନ ସ୍ୱୟଂଚାଳିତ ଭାବରେ ହ୍ରାସ ହେବାକୁ ଲାଗେ ଓ ଆପଣ କିଛି ଦିନ ମଧ୍ୟରେ ପାର୍ଥକ୍ୟ ଦେଖିବା ଆରମ୍ଭ କରନ୍ତି ।

କିପରି ତିଆରି କରିବେ: 

ଏକ ଗ୍ଲାସରେ ଗରମ ପାଣି ନିଅ, ତା’ପରେ ସେଥିରେ ଛେଚି ରସୁଣ ମିଶାଇ ଅଧା ଲେମ୍ବୁ ରସକୁ ମିଶାଇ ଦିଅ । ଯଦି ଆପଣ ଚାହାଁନ୍ତି, ଆପଣ ଏହା ସହିତ ମହୁ ମଧ୍ୟ ମିଶାଇ ପାରିବେ । ରସୁଣ ପାଣି ପ୍ରସ୍ତୁତ ହୋଇଯିବ । ଏହାକୁ ପ୍ରତିଦିନ ପିଇବା ଦ୍ୱାରା ବହୁତ ଓଜନ ହ୍ରାସ ହୋଇଥାଏ । 

Powered by Froala Editor