ଭୟଙ୍କର ହେଲାଣି ବାତ୍ୟା ‘ଅର୍ଣ୍ଣବ’ । ବଙ୍ଗୋପସାରଗଗରେ ସୃଷ୍ଟି ବାତ୍ୟା ଧିରେ ଧିରେ କୋପ ଦେଖାଇଲାଣି । ୨୮ ସକାଳୁ ଆନ୍ଧ୍ରପ୍ରଦେଶର କାକିନାଡାରେ ମାଡ଼ ହେବ ବାତ୍ୟା ଅର୍ଣ୍ଣବ । ବାତ୍ୟା ଅର୍ଣ୍ଣବକୁ ନେଇ ଓଡ଼ିଶା ସମେତ ୫ ରାଜ୍ୟକୁ ଆଲର୍ଟ ଜାରି ହୋଇଛି । ଓଡ଼ିଶା, ଆନ୍ଧ୍ରପ୍ରଦେଶ, ତେଲେଙ୍ଗାନା, ପୁଡୁଚେରୀ ଏବଂ ଛତିଶଗଡକୁ ହାଇ ଆଲର୍ଟ ଜାରି ହୋଇଛି । ସ୍ଥିତିର ମୁକାବିଲା ପାଇଁ ପ୍ରଶାସନ ପକ୍ଷରୁ ବ୍ୟାପକ ପ୍ରସ୍ତୁତି ଆରମ୍ଭ ହୋଇଛି ।

ପବନର ବେଗ ସକାଳୁ ୬୦-୭୦ ରହିବ । ୮୦ କିମି ଯାଏଁ ଝଟକା ପବନ ବହିବ । ଲ୍ୟାଣ୍ଡଫଲ ସମୟରେ ପବନର ବେଗ ଘଣ୍ଟାପ୍ରତି ୧୧୫ରୁ ୧୨୫ କିଲୋମିଟର ରହିପାରେ । ବଙ୍ଗଳା ଭାଷାରେ ଅର୍ଣ୍ଣବର ଅର୍ଥ ସମୁଦ୍ର । ଏହି ବାତ୍ୟାର ନାମ ବାଂଲାଦେଶ ଦେଇଛି ।

୨୭ ରାତିରୁ ବର୍ଷା ଓ ପବନ କ୍ରମଶଃ ବଢ଼ିବ । ୨୮ ସକାଳରୁ ରାତି ଯାଏ ଏ ପ୍ରକୋପ ସର୍ବାଧିକ ରହିପାରେ ଦକ୍ଷିଣ ଓଡ଼ିଶାରେ । ପବନ ରହିପାରେ ୬୦-୭୦ କିମି ଯାଏ । ଝଟକା ପବନ ୮୦ କିମି ପର୍ଯ୍ୟନ୍ତ ଛୁଇଁପାରେ । ଏଭଳି ପରିସ୍ଥିତିରେ ଉପକୂଳବର୍ତ୍ତୀ ଅଞ୍ଚଳର ଲୋକଙ୍କୁ ସତର୍କ ରହିବାକୁ ପରାମର୍ଶ ଦିଆଯାଇଛି ।

ଆଇଏମଡି ଅନୁଯାୟୀ, ଅକ୍ଟୋବର ୨୭ ତାରିଖ ସନ୍ଧ୍ୟା ପର୍ଯ୍ୟନ୍ତ ଝଡ଼ ପଶ୍ଚିମ-ଉତ୍ତର-ପଶ୍ଚିମ ଦିଗରେ ଗତି କରିବାର ସମ୍ଭାବନା ରହିଛି । ଏହା ପରେ, ଏହା ଉତ୍ତର-ପଶ୍ଚିମ ଦିଗ ଆଡକୁ ମୁହାଁଇପାରେ । ପାଣିପାଗ ବିଭାଗ ପୂର୍ବାନୁମାନ କରିଛି ଯେ ଅକ୍ଟୋବର ୨୮, ୨୦୨୬ ସକାଳ ସୁଦ୍ଧା ଏହି ଝଡ଼ ଆନ୍ଧ୍ରପ୍ରଦେଶର ଉପକୂଳ ଅତିକ୍ରମ କରିବ ଏବଂ ୟାନମ୍ ନିକଟରେ ବାପାଟଲା ଏବଂ ବିଶାଖାପାଟଣା ମଧ୍ୟରେ ୟାନମ୍ ନିକଟ ଅତିକ୍ରମ କରିବ। ଏହି ସମୟ ମଧ୍ୟରେ, ଝଡ଼ ଅତି ଭୟଙ୍କର ବର୍ଗରେ ରହିବ ବୋଲି ଆଶଙ୍କା କରାଯାଉଛି ।

Powered by Froala Editor