ଭୁବନେଶ୍ୱର: ରାଜ୍ୟରେ ଭୟଙ୍କର ହେଉଛି କରୋନା ସ୍ଥିତି ।  ବଢୁଛି କରୋନାର କାୟା ।  ସ୍ଥିତି ହେଉଛି ବେକାବୁ । ଓଡ଼ିଶାରେ କରୋନା ମହାମାରୀର ମହାସମର ଆରମ୍ଭ ହୋଇଯାଇଛି । କରୋନା ଏବେ ଲମ୍ବ ଡିଆଁ ମାରି ଗୋଟିକ ପରେ  ଗୋଟିଏ ଜିଲ୍ଲାରେ ପ୍ରବେଶ କରିବା ସହ ଆତଙ୍କ ଖେଳାଇ ଚାଲିଛି । ଦିନକୁ ଦିନ ଆକ୍ରାନ୍ତଙ୍କ ସଂଖ୍ୟା ବଢି ଚାଲିଛି ।  ଏହାରି ଭିତରେ ଆଉ ଏକ ବଡ଼ ଖବର ସାମନାକୁ ଆସିଛି ।  ତାହା ହେଲା କରୋନାକୁ ମାତ ଦେବା ପାଇଁ ରେମଡେସିଭିର ରାମବାଣ ନୁହେଁ । ଏହା କେବଳ ଗୁରୁତର ରୋଗୀଙ୍କୁ ଦିଆଯାଏ ବୋଲି  ଜନସ୍ୱାସ୍ଥ୍ୟ ନିଦେ୍ର୍ଧଶକ ନିରଞ୍ଜନ ମିଶ୍ର ସୂଚନା ଦେଇଛନ୍ତି ।  

କରୋନା ସ୍ଥିତି ସମ୍ପର୍କରେ ସେ କହିଛନ୍ତି ଯେ,  ଆଇଆଇଟି କାନପୁରର ଷ୍ଟଡି ଅନୁସାରେ ମେ ଦ୍ୱିତୀୟ ସପ୍ତାହରେ କରୋନା ପିକକୁ ଆସିବ । ଆମ ରାଜ୍ୟରେ ଟେଷ୍ଟିଂ କମିନି । ଟାର୍ଗେଟେଡ ସାମ୍ପଲିଂ କରାଉଛୁ । ଏବେ ଟେଷ୍ଟିଂର ଡିମାଣ୍ଡ ଅଛି । ଲୋକେ ସ୍ୱଇଚ୍ଛାରେ  ଟେଷ୍ଟିଂ କରାଉଛନ୍ତି । ରେମଡେସିଭିର ରାମବାଣ ନୁହେଁ । ଏହା କେବଳ ଗୁରୁତର ରୋଗୀଙ୍କୁ ଦିଆଯାଏ  । କିଛି ଲୋକ ମେଡିସିନ କିଣି ଗଚ୍ଛିତ ରଖି କୃତ୍ରିମ ଅଭାବ ସୃଷ୍ଟି କରୁଛନ୍ତି ।  ସରକାରୀସ୍ତରରେ ଆବଶ୍ୟକ ଔଷଧ ମହଜୁଦ ଅଛି । ବେଡର ଅଭାବ ନାହିଁ ।  ୪ଟି ଲେଖାଏଁ ଜିଲ୍ଲାକୁ ନେଇ କ୍ଲଷ୍ଟର କରାଯାଇଛି । ବେଡ ଯୋଗାଇ ଦିଆଯିବ ।  ଅତି ଆବଶ୍ୟକ ନଥିଲେ ହସ୍ପିଟାଲକୁ ଆସି ଭିଡ଼ କରନ୍ତୁ ନାହିଁ ବୋଲି  ଜନସ୍ୱାସ୍ଥ୍ୟ ନିଦେ୍ର୍ଧଶକ ନିରଞ୍ଜନ ମିଶ୍ର କହିଛନ୍ତି ।  

ପୂର୍ବରୁ  ଡ୍ରଗ୍ସ କଣ୍ଟ୍ରୋଲର ଅନ୍ନଦା ଦାସ କହିଥିଲେ ଯେ, ଏପ୍ରିଏ ୨୧ରୁ ୩୦ ଯାଏ ୨୧ ହଜାର ଭାଏଲ ଦେବାକୁ କେନ୍ଦ୍ର କହିଛି ।  ଦୈନିକ କିଛି କିଛି ରେମଡେସିଭିର ଭାଏଲ ମିଳୁଛି । ଗତକାଲି ୯୧୨ ଭାଏଲ ମିଳିଛି ।  ଆମେ ଯାହା ପାଉଛୁ ଘରୋଇ ହସ୍ପିଟାଲକୁ ଦେଉଛୁ ।  ଘରୋଇ ମେଡିସିନ ଦୋକାନୀ ରେମଡେସିଭିର ରଖିପାରିବେ ନାହିଁ ।  ତେବେ ଫାବି ଫ୍ଲୁ ଅଭାବ ନାହିଁ  । ଫାବି ଫ୍ଲୁ ରାଜ୍ୟରେ ଚିହ୍ନଟ ଘରୋଇ ମେଡିସିନ ଦୋକାନରେ ମିଳିପାରିବ ବୋଲି ଡ୍ରଗ୍ସ କଣ୍ଟ୍ରୋଲର ଅନ୍ନଦା ଦାସ କହିଥିଲେ । 

Powered by Froala Editor