ଗୁଗୁଲ ଉପରେ ୭୩୯କୋଟି ଜରିମାନା
ନୂଆଦିଲ୍ଲୀ: ଗୁଗୁଲ ଉପରେ ୭୩୯କୋଟିର ଜରିମାନା ହୋଇଛି । ବିଶ୍ୱର ପ୍ରମୁଖ ଆଇଟି କମ୍ପାନୀ ଗୁଗୁଲ, ଋଷିଆରେ ନିଷିଦ୍ଧ ଥିବା ବିଭିନ୍ନ କଣ୍ଟେଣ୍ଟ ଗୁଡିକ ତା’ର ସର୍ଚ୍ଚ ଇଞ୍ଜିନ ଜରିଆରେ ସର୍ବସାଧାରଣ କରି ଦେଖାଉଥିବା ଅଭିଯୋଗ ହୋଇଥିଲା ।
ତେବେ ଏହି ଅଭିଯୋଗକୁ ନେଇ ସ୍ଥାନୀୟ ସରକାରଙ୍କ ପକ୍ଷରୁ ମଧ୍ୟ କମ୍ପାନୀକୁ ଚେତାବନୀ ଦିଆଯାଇଥିଲା । ଏହା ସହ ଉକ୍ତ ନିଷିଦ୍ଧ କଣ୍ଟେଣ୍ଟ ଗୁଡି୍କ ଗୁଗୁଲ ତା’ ସାଇଟରୁ ହଟାଇବାକୁ କୁହାଯାଇଥିଲା । ଏହି ଚେତାବନୀ ସତ୍ତେ କମ୍ପାନୀ ଉକ୍ତ କଣ୍ଟେଣ୍ଟକୁ ତା’ ସାଇଟରୁ ହଟାଇନଥିଲା । ତେଣୁ ଋଷିଆର ଏକ କୋର୍ଟ ଏହି ମାମଲାର ବିଚାର କରି ଗୁଗୁଲ ଉପରେ ୯.୮କୋଟି ଡଲାର ଯାହା ଭାରତୀୟ ମୁଦ୍ରାରେ ପ୍ରାୟ ୭୩୯କୋଟି ଟଙ୍କାର ଜରିମାନା କରିଛି ।
ଏହା ସହିତ ସମାନ ଅଭିଯୋଗରେ ମଧ୍ୟ କୋର୍ଟ ମେଟା(ଫେସବୁକ୍) ଉପରେ ମଧ୍ୟ ୨୭.୧୫ମିଲିୟନ ଡଲାର ଅର୍ଥାତ ୨୦୫କୋଟି ଟଙ୍କାର ଜରିମାନା ଲାଗୁ କରିଥିବା ସୂଚନା ମିଳିଛି ।
Powered by Froala Editor
