ଟ୍ୟାଙ୍କର ଅଭାବ ଯୋଗୁଁ ଅକ୍ସଜେନ ଯୋଗାଣରେ ଅସୁବିଧା
ନୂଆଦିଲ୍ଲୀ : ମେଡିକାଲରେ ବ୍ୟବହାର କରାଯାଉଥିବା ତରଳ ଅକ୍ସିଜେନ ଯୋଗାଣରେ ସବୁଠୁ ବଡ଼ ଅସୁବିଧା ହେଉଛି ଟ୍ୟାଙ୍କର ଅଭାବ । କ୍ରାୟୋଜେନିକ ଟ୍ୟାଙ୍କର ଜରିଆରେ ତରଳ ଅକ୍ସିଜେନ ପରିବହନ କରାଯାଏ । ଏହା ବାହାରୁ ଦେଖିବାକୁ ଯେ କୌଣସି ସାଧାରଣ ଟ୍ୟାଙ୍କର ଭଳି । କିନ୍ତୁ ଏହାର ବିଶେଷତା ହେଉଛି ଏଥିରେ ୧୮୫ ଡିଗ୍ରୀ ଭଳି ଅତ୍ୟଧିକ ଥଣ୍ଡା ଜିନିଷ ପରିବହନ କରାଯାଏ । ନିକଟରେ ଜର୍ମାନୀରୁ ଏଭଳି ୨୪ଟି ଟ୍ୟାଙ୍କର ଅମାଦାନି କରାଯିବ ବୋଲି ନିଷ୍ପତ୍ତି ହୋଇଛି । ଏହି ଟ୍ୟାଙ୍କର ଗୁଡ଼ିକ ଜରିଆରେ ତରଳ ଅକ୍ସିଜେନ ଓ ହାଇଡ୍ରୋଜେନ ଆଦି ପରିବହନ କରାଯାଏ । ଏହାକୁ ଭାକୁ୍ୟମ ବଟଲ ସିଦ୍ଧାନ୍ତରେ ତିଆରି କରାଯାଇଛି । ଏଥିରେ ଦୁଇଟି ପରସ୍ତ ଥାଏ । ଭିତର ପାଶ୍ୱର୍ରେ ଥିବା ପରସ୍ତରେ ତରଳ ଅକ୍ସିଜେନ ଭର୍ତ୍ତି କରାଯାଏ । ବାହାର ପରସ୍ତଟି ଭିତର ପରସ୍ତ ଠାରୁ ଟିକେ ଦୂରରେ ରହିଥାଏ ।
Powered by Froala Editor
