୧୪ ଦିନ ଲାଗି ସୀମା ସିଲ୍ କଲା ବାଂଲାଦେଶ୍
ଭାରତରେ ବଢୁଥିବା ମହାମାରୀ ସଂକ୍ରମଣକୁ ଧ୍ୟାନରେ ରଖି ବାଂଲାଦେଶ ସରକାର ସୀମା ସିଲ୍ କରିଛନ୍ତି। ଅସୁସ୍ଥଙ୍କ ସହ ମୃତ୍ୟୁ ସଂଖ୍ୟା ମଧ୍ୟ ବଢିବଢି ଚାଲିଛି। ବାଂଲାଦେଶ ସୀମାବର୍ତ୍ତି ଭାରତୀୟ ରାଜ୍ୟମାନଙ୍କରେ ମଧ୍ୟ ସଂକ୍ରମଣ ବଢୁଥିବାରୁ ସରକାର ୧୪ ଦିନ ଲାଗି ସୀମା ସିଲ ନିମନ୍ତେ ନିଷ୍ପତ୍ତି ନେଇଛନ୍ତି। ଆଗାମୀ ୧୪ ଦିନ ପର୍ଯ୍ୟନ୍ତ ବାଂଲାଦେଶ-ଭାରତ ସୀମା ବ୍ୟାପାର ରହିବ ନାହିଁ। ତେବେ ଭାରତ ସୀମା ସିଲ ନେଇ ପ୍ରସ୍ତାବ ଗୁରୁବାର ହୋଇଥିବା ଅନ୍ତଃମନ୍ତ୍ରୀସ୍ତରୀୟ ଆଲୋଚନାରେ ଅଗ୍ରାହ୍ୟ ହୋଇଯାଇଥିଲା। ଉପୁଜିଥିବା ପରିସ୍ଥିତିରେ ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ ଏ ନେଇ ନିଷ୍ପତ୍ତି ନେଇଛନ୍ତି। ଏହି ସମୟରେ ଭାରତରୁ କାହାରିକୁ ବାଂଲାଦେଶରେ ପ୍ରବେଶ ଅନୁମତି ମିଳିବ ନାହିଁ ବୋଲି ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ ଆଦେଶ ଅନୁସାରେ ଗୃହମନ୍ତ୍ରୀ ଆଶାଦୁଜ୍ଜମାନ ଖାନ କମାଲ ରବିବାର ଢାକା ଟ୍ରିବ୍ୟୁନ୍ କୁ କହିଛନ୍ତି। ତେବେ ଏହା ପୂର୍ବରୁ ଜର୍ମାନ, ବ୍ରିଟେନ, କାନାଡା, ଇରାନ ଓ ସାଉଦୀ ଆରବ ଆଦି ଦେଶମାନେ ଭାରତ ସହ ବିମାନ ଯୋଗାଯୋଗ ବିଛିନ୍ନ କରିଛନ୍ତି।
Powered by Froala Editor
