ଅନ୍ୟ ୪ ଯବାନଙ୍କ ମୃତଦେହ ଚିହ୍ନଟ
ନୂଆଦିଲ୍ଲୀ: ତାମିଲନାଡୁ କୁନ୍ନୁର ହେଲିକପ୍ଟର ଦୁର୍ଘଟଣାରେ ମୃତ ଅନ୍ୟ ୪ ଯବାନଙ୍କ ମୃତଦେହ ଚିହ୍ନଟ କରାଯାଇଛି । ସେମାନେ ହେଲେ ୱିଙ୍ଗ କମାଣ୍ଡର ପିଏସ ଚୌହାନ, ଜୁନିୟର ୱାରେଣ୍ଟ ଅଫିସର ରାଣାପ୍ରତାପ ଦାସ, ଜୁନିୟର ୱାରେଣ୍ଟ ଅଫିସର ପ୍ରଦୀପ ଏ ଏବଂ Sqn Leader କୁଲଦୀପ ସିଂ ।
ବାୟୁସେନା କହିଛି କି, ମୃତ ବାୟୁସେନା ଅଧିକାରୀଙ୍କ ପାର୍ଥିବ ଶରୀର ବିମାନ ଯୋଗେ ତାଙ୍କ ଜନ୍ମମାଟିକୁ ପଠାଯିବ । ସେଠାରେ ରାଷ୍ଟ୍ରୀୟ ମର୍ୟ୍ୟାଦା ସହ ସମସ୍ତଙ୍କର ଅନ୍ତିମ ସଂସ୍କାର କରାଯିବ । ଭାରତୀୟ ସେନାର ଲାଂସ ନାୟକ ବି ସାଇ ତେଜା ଏବଂ ଲାଂସ ନାୟକ ବିବେକ କୁମାରଙ୍କ ମୃତଦେହର ମଧ୍ୟ ଚିହ୍ନଟୀକରଣ କରାଯାଇଛି । ଆଜି(ଶନିବାର) ପାର୍ଥିବ ଶରୀରକୁ ସେମାନଙ୍କ ଆତ୍ମୀୟ ପରିଜନଙ୍କୁ ହସ୍ତାନ୍ତର କରାଯିବ ।ସୂଚନା ଅନୁଯାୟୀ, ସମସ୍ତ ବାୟୁସେନା ଯବାନଙ୍କ ମୃତଦେହ ବିମାନ ଯୋଗେ ପଠାଯିବ । ଏହାପୂର୍ବରୁ ଦିଲ୍ଲୀ କ୍ୟାଣ୍ଟ ବେସ୍ ହସ୍ପିଟାଲରେ ସମସ୍ତଙ୍କୁ ଶ୍ରଦ୍ଧାଞ୍ଜଳି ଦିଆଯିବ ।ଉଲ୍ଲେଖଯୋଗ୍ୟ, ଗତ ବୁଧବାର ଦିନ କୁନ୍ନୁର ଠାରେ ବାୟୁସେନାର ହେଲିକପ୍ଟର ଦୁର୍ଘଟଣାଗ୍ରସ୍ତ ହୋଇଥିଲା । ଦୁର୍ଘଟଣାରେ ସିଡିଏସ ବିପିନ ରାୱତଙ୍କ ସମେତ ମୋଟ ୧୩ ଜଣ ପ୍ରାଣ ହରାଇଥିଲେ ।
Powered by Froala Editor
