ଦୁର୍ଘଟଣାରେ ସୁଶାନ୍ତ ସିଂ ରାଜପୁତଙ୍କ ପରିବାରର ୬ ଜଣଙ୍କ ମୃତ୍ୟୁ
ଦିବଗଂତ ଅଭିନେତା ସୁଶାନ୍ତ ସିଂହ ରାଜପୁତଙ୍କ ପରିବାରର ୬ ଜଣ ସଦସ୍ୟ ଦୁର୍ଘଟଣାରେ ମୃତ୍ୟୁ ଘଟିଛି । ବିହାରର ଲଖିସରାଇ ସ୍ଥିତ ନ୍ୟାସନାଲ ହାଇଓ୍ୱେ ଉପରେ ଟ୍ରକ ଦୁର୍ଘଟଣା ଯୋଗୁଁ ଏହି ଭୟଙ୍କର ଦୁର୍ଘଟଣା ଘଟିଛି । ସମସ୍ତେ ଶବଦାହରେ ଯୋଗଦେବା ପରେ ଏକ ସୁମୋ କାରରେ ଜାମୁଇକୁ ଫେରୁଥିଲେ। ଏହି ସମୟରେ ଗାଡ଼ିଟି ଟ୍ରକ ସହିତ ଧକ୍କା ଖାଇଥିଲା।
ସୂଚନା ମୁତାବକ, ଲଖିସରାଇ ଜିଲ୍ଲାର ସିକଚନ୍ଦ୍ର-ଶେଖପୁରା ଏନଏଚ-୩୩୩ର ହାଲସି ପୁଲିସ ଷ୍ଟେସନ ଅଞ୍ଚଳର ପିପ୍ରା ଗ୍ରାମ ନିକଟରେ ଏହି ଦୁର୍ଘଟଣା ଘଟିଛି। ଟ୍ରକ ସହିତ ଭୟଙ୍କର ଧକ୍କାରେ ସୁମୋ ଗାଡ଼ିରେ ଥିବେ ଗୋଟେ ପରିବାରର ୬ଜଣଙ୍କର ଘଟଣାସ୍ଥଳରେ ମୃତ୍ୟୁ ଘଟିଥିବା ବେଳେ ୪ଜଣ ଗୁରୁତର ଆହତ ହୋଇଛନ୍ତି। ଆହତମାନଙ୍କର ଜାମୁଇର ସଦର ଡାକ୍ତରଖାନାରେ ଚିକିତ୍ସା କରାଯାଉଛି। ଏ ସମସ୍ତ ଲୋକ ପାଟଣା ହରିୟାଣାର ସିନିୟର ପୋଲିସ ଅଫିସର ଓପି ସିଂହଙ୍କ ଭଉଣୀ ଗୀତା ଦେବୀଙ୍କ ଅନ୍ତିମ ସଂସ୍କାରରେ ଯୋଗଦେବାକୁ ଯାଉଥିଲେ । ଓ.ପି ସିଂହ ସୁଶାନ୍ତ ସିଂହ ରାଜପୁତଙ୍କ ଭିଣୋଇ ଅଟନ୍ତି ।
Powered by Froala Editor
