କେନ୍ଦ୍ର ସରକାର କେନ୍ଦ୍ରୀୟ ମାଧ୍ୟମିକ ଶିକ୍ଷା ବୋର୍ଡ (CBSE) ସହ ଜଡିତ ସମସ୍ୟାକୁ ନେଇ ଏକ ବଡ଼ ପଦକ୍ଷେପ ନେଇଛନ୍ତି। CBSE ଅଧ୍ୟକ୍ଷ ରାହୁଲ ସିଂହ ଏବଂ ସଚିବ ହିମାଂଶୁ ଗୁପ୍ତାଙ୍କୁ ବଦଳି କରାଯାଇଛି। CBSE ର "ଅନ୍-ସ୍କ୍ରିନ୍ ମାର୍କିଂ" (OSM) ସିଷ୍ଟମରେ ବ୍ୟାପକ ଅନିୟମିତତା ଅଭିଯୋଗ ପରେ ଏହି ପଦକ୍ଷେପ ନିଆଯାଇଛି।

CBSE ଦଶମ ଏବଂ ଦ୍ୱାଦଶ ଶ୍ରେଣୀ ପରୀକ୍ଷା ଫଳ ପ୍ରକାଶ ପାଇବା ପରେ ଦେଶବ୍ୟାପୀ ଛାତ୍ରଛାତ୍ରୀ, ଅଭିଭାବକ ଏବଂ ଶିକ୍ଷକମାନଙ୍କ ମଧ୍ୟରେ ତୀବ୍ର ଅସନ୍ତୋଷ ପ୍ରକାଶ ପାଇଥିଲା। ଛାତ୍ରଛାତ୍ରୀମାନେ ଯେତେବେଳେ ସେମାନଙ୍କର ସ୍କାନ୍ ହୋଇଥିବା ଉତ୍ତର ଖାତା ଡିଜିଟାଲ୍ ମାଧ୍ୟମରେ ଦେଖିବାକୁ ଚେଷ୍ଟା କଲେ, ସେଥିରେ ଅନେକ ତ୍ରୁଟି ସାମ୍ନାକୁ ଆସିଥିଲା। ଖାତାର ପେଜ୍‌ଗୁଡ଼ିକ ଅସ୍ପଷ୍ଟ ଥିଲା, କେତେକ ଗୁରୁତ୍ୱପୂର୍ଣ୍ଣ ଭାଗ ସମ୍ପୂର୍ଣ୍ଣ ଗାୟବ ଥିଲା ଏବଂ ଅନଲାଇନ୍ ସେବା ବ୍ୟବହାର କରିବାରେ ପରୀକ୍ଷାର୍ଥୀମାନେ ପ୍ରବଳ ସମସ୍ୟାର ସମ୍ମୁଖୀନ ହୋଇଥିଲେ।

ଅନ୍-ସ୍କ୍ରିନ୍ ମାର୍କିଂ ପ୍ରକ୍ରିୟାରେ ଅନିୟମିତତାର ତଦନ୍ତ ପାଇଁ CBSE ଏକ ତଦନ୍ତ କମିଟି ମଧ୍ୟ ଗଠନ କରିଛି। ଏହି କମିଟି ଏକ ପୁଙ୍ଖାନୁପୁଙ୍ଖ ତଦନ୍ତ କରିବ। ଏହି କମିଟିରେ ଦକ୍ଷତା ବିକାଶ କମିଶନ (CBC) ର ଅଧ୍ୟକ୍ଷା ଏସ. ରାଧା ଚୌହାନଙ୍କୁ ନିଯୁକ୍ତ କରାଯାଇଛି। ଆବଶ୍ୟକ ହେଲେ ସେ ଅନ୍ୟ ବିଭାଗର ଅଧିକାରୀଙ୍କ ଠାରୁ ସହାୟତା ନେଇପାରିବେ।

CBSE ଦାବି କରୁଛି ଯେ ଏହା ଉତ୍ତର ପତ୍ରର ଶୀଘ୍ର ଏବଂ ନିରପେକ୍ଷ ଯାଞ୍ଚ ସୁନିଶ୍ଚିତ କରେ, କିନ୍ତୁ ଏହି ବ୍ୟବସ୍ଥା କାର୍ଯ୍ୟକାରୀ ହେବା ପରଠାରୁ, ଛାତ୍ର ଏବଂ ଅଭିଭାବକ ମାନେ ଅନେକ ଅଭିଯୋଗ ଉଠାଇଛନ୍ତି।

Powered by Froala Editor