ଭୁବନେଶ୍ୱର :  ରାଜଧାନୀର ବିଭିନ୍ନ ହାଟ, ବଜାରରେ କୋଭିଡ କଟକଣା ଉଲ୍ଲଂଘନ ହେବାରୁ ବିଏମସି ପକ୍ଷରୁ ୧୫ଟି ହାଟକୁ ନିକଟସ୍ଥ ପଡ଼ିଆ ଓ ଖୋଲା ସ୍ଥାନକୁ ସ୍ଥାନାନ୍ତର କରାଯାଇଛି । ବହୁ ହାଟ ନୂଆ ସ୍ଥାନକୁ ଉଠି ଯାଇଥିବା ବେଳେ ବାକି ହାଟଗୁଡ଼ିକ ସ୍ଥାନାନ୍ତର ହେବ । ଆଗାମୀ ନିଦେ୍ର୍ଧଶନାମା ପ୍ରକାଶ ପାଇବା ପର୍ଯ୍ୟନ୍ତ ଏହି ହାଟଗୁଡ଼ିକ ଏଠାରେ ଚାଲିବ ବୋଲି କୁହାଯାଇଛି । ବ୍ୟବସାୟିଙ୍କ ମଧ୍ୟରେ ୬ ଫୁଟର ଦୂରତା ରହିବା ଭଳି ଜାଗା ଚିହ୍ନଟ କରାଯାଇଛି । ସମସ୍ତ ବ୍ୟବସାୟୀଙ୍କ ପାଇଁ ମାସ୍କ ପିନ୍ଧିବା ବାଧ୍ୟତାମୂଳକ କରାଯାଇଛି । ହାଟକୁ ଆସୁଥିବା ଲୋକ କୋଭିଡ କଟକଣା ମାନିବାକୁ ବିଏମସି ପକ୍ଷରୁ କୁହାଯାଇଛି ।

ବିଏମସିରୁ ମିଳିଥିବା ସୂଚନା ଅନୁସାରେ ଦକ୍ଷିଣ ପୂର୍ବ ଜୋନରେ ୮ଟି ହାଟକୁ ସ୍ଥାନାନ୍ତର କରାଯାଇଛି । ଏଥିରେ ୟୁନିଟ-୧ ହାଟକୁ ୟୁନିଟ-୧ ହାଇସ୍କୁଲ ଖେଳପଡ଼ିଆକୁ, ୟୁନିଟ-୪ ହାଟକୁ ଶାସ୍ତ୍ରୀନଗରରୁ ରେଡକ୍ରସ ଭବନକୁ ସଂଯୋଗ କରୁଥିବା ରାସ୍ତାକୁ, ଲିଙ୍ଗରାଜ ହାଟକୁ ନିକଟସ୍ଥ ପାର୍କିଂ ଅଞ୍ଚଳକୁ, ସୁନ୍ଦରପଦା ହାଟକୁ ଏକାମ୍ର କଲେଜ ନିକଟସ୍ଥ ରାସ୍ତାକୁ, ବ୍ରହ୍ମେଶ୍ୱର ହାଟକୁ ନିକଟସ୍ଥ ମେଳନ ପଡ଼ିଆକୁ, ନାଗେଶ୍ୱର ଟାଙ୍ଗି ହାଟକୁ ରବି ଟକିଜ ଓ ସାନିଟୋରିୟମ ଛକକୁ ସଂଯୋଗ କରୁଥିବା ରାସ୍ତାକୁ, ସହିଦ ନଗର ହାଟକୁ ସହିଦ ନଗର ଦୁର୍ଗାପୂଜା ପଡ଼ିଆକୁ ସ୍ଥାନାନ୍ତର କରାଯାଇଛି । ୟୁନିଟ-୪ ହାଟ ଓ ନାଗେଶ୍ୱର ଟାଙ୍ଗି ହାଟ ନୂଆ ସ୍ଥାନରେ ଖୋଲାଯାଇଥିବା ବେଳେ ଶୁକ୍ରବାରଠାରୁ ବାକି ହାଟ ନୂଆ ସ୍ଥାନରେ ଖୋଲିବ । ସେହିପରି ଦକ୍ଷିଣ ପଶ୍ଚିମ ଜୋନରେ ସିରିପୁର, ଡୁମୁଡୁମା, ଆଇଡି ମାର୍କେଟ ଓ ରୁଚିକା ହାଟକୁ ମଧ୍ୟ ସ୍ଥାନାନ୍ତର କରାଯାଇଛି ।

Powered by Froala Editor