୭୩ ବର୍ଷ ବୟସରେ ଚଳଚିତ୍ର ପ୍ରଯୋଜକ ହଂସଲ ମେହଟ୍ଟାଙ୍କ ଶଶୁର ୟୁସୁଫ୍ ହୁସେନଙ୍କର ମୃତ୍ୟୁ ହୋଇଛି । ଏହି ଦୁଃଖଦ ଘଟଣା ବିଷୟରେ ନିଜେ ହଂସଲ ମେହେଟ୍ଟା ଜାତୀୟ ଗଣମାଧ୍ୟମକୁ ସୂଚନା ଦେଇ କହିଛନ୍ତି ।  କରୋନା ସଂକ୍ରମଣରେ ଶିକାର ହେବା ପରେ ୟୁସୁଫଙ୍କୁ ମୁମ୍ବାଇର ଲୀଳାବତୀ ହସ୍ପିଟାଲରେ ଚିିକିତ୍ସା କରାଯାଉଥିଲା । ସେଠାରେ ତାଙ୍କର ମୃତ୍ୟୁ ହୋଇଛି । 

ହଂସଲ ତାଙ୍କ ଟ୍ୱିଟରରେ ଶଶୁରଙ୍କୁ ଶ୍ରଦ୍ଧାଞ୍ଜଳି ଦେଇ ଲେଖିଛନ୍ତି କି “ମୁଁ ଯେତେବେଳେ ଆର୍ଥିକ ସଂକଟ ସହ ସଂଘର୍ଷ କରୁଥିଲି, ମୋ ଭବିଷ୍ୟତ ଶେଷ ହୋଇଯିବା ଭଳି ଲାଗୁଥିଲା ଓ ସହିଦ ସିନେମା ନିର୍ମାଣ କରିବାକୁ ମୋ ପାଖରେ ଟଙ୍କା ନଥିଲା । ‘‘ସହିଦ’ ଚଳଚ୍ଚିତ୍ର ୨ଟି ପର୍ଯ୍ୟାୟ ସୁଟିଂ ପୂରଣ କରିସାରିବା ପରେ ଅଟକି ଯାଇଥିଲୁ । ଏପରି ପରିସ୍ଥିତିରେ ୟୁସୁଫ୍ ମୋ ନିକଟକୁ ଆସିଥିଲେ ସେ ମୋତେ ଜମା କରିଥିବା ଟଙ୍କା ଦେଇଥିଲେ। ସେ ମୋର ଶ୍ୱଶୁର ନୁହଁନ୍ତି ବରଂ ବାପା ’। ତାଙ୍କ ମୃତ୍ୟୁ ଖବର ସମଗ୍ର ଚଳଚ୍ଚିତ୍ର ଜଗତକୁ ଏବଂ ପ୍ରଶଂସକଙ୍କୁ ଗଭୀର ଆଘାତ ଦେଇଛି।

ୟୁସୁଫ୍ ଦିଲ୍ ଚାହାତା ହେ, ବିବାହ, ଧୁମ-୨, କ୍ରିସ-୩, ସହିଦ, ରଇସ ଭଳି ଅନେକ ସିନେମାରେ କାମ କରିଛନ୍ତି । ଏହା ବ୍ୟତୀତ ସେ ଛୋଟ ପରଦାରେ ଜଣେ ଚରିତ୍ର ଅଭିନେତା ଭାବେ ଅନେକ ଧାରାବାହିକରେ ବି କାମ କରିଛନ୍ତି । 

Powered by Froala Editor