ସଲମାନ୍ ଖାନ୍ ଫିଲ୍ମସ୍ ଓ ଜୀ ଷ୍ଟୁଡିଓ ‘ରାଧେ: ୟୋର୍ ମୋଷ୍ଟ ୱାଣ୍ଟେଡ୍ ଭାଇ’ ପାଇଁ ମେଗା ରିଲିଜର ଯୋଜନା ପ୍ରସ୍ତୁତ କରିଛି। କିନ୍ତୁ କରୋନା ପାଇଁ କିଛି କଟକଣା ଲାଗୁ ହୋଇଥିବା ସୂଚନା ରହିଛି । ପ୍ରଭୁ ଦେବାଙ୍କ ଦ୍ୱାରା ନିର୍ଦ୍ଦେଶିତ ଏହି ଫିଲ୍ମ ମେ’ ୧୩ ତାରିଖରେ ସିନେମା ହଲ୍ ସହିତ ପେ-ପର୍-ଭ୍ୟୁ ଷ୍ଟ୍ରିମିଙ୍ଗ୍ ପ୍ଲାଟଫର୍ମରେ ଏକାଠି ରିଲିଜ୍ କରାଯିବ। ଫିଲ୍ମର ଟ୍ରେଲର୍ ଆସନ୍ତାକାଲି ଅର୍ଥାତ୍ ଏପ୍ରିଲ୍ ୨୨ ତାରିଖରେ ରିଲିଜ୍ ହେବ। ମାତ୍ର ଦେଶରେ କରୋନା ମାମଲା ଲଗାତର ବଢ଼ୁଥିବାରୁ ସୀମିତ ସିନେମା ହଲରେ ଫିଲ୍ମ ରିଲିଜ୍ ହେବ। ଯାହାଦ୍ୱାରା ସଲମାନଙ୍କ ବହୁ ପ୍ରଶଂସକଙ୍କୁ ନିରାଶ ହେବାକୁ ପଡ଼ିପାରେ। ‘ରାଧେ: ୟୋର୍ ମୋଷ୍ଟ ୱାଣ୍ଟେଡ୍ ଭାଇ’ ଏବେ ସାରା ଦୁନିଆର ସିନେମା ହଲରେ ରିଲିଜ୍ ହେବ। ତେବେ ରିଲିଜ୍ ସମୟରେ ସରକାରଙ୍କ ଦ୍ୱାରା ଜାରି ହୋଇଥିବା କୋଭିଡ୍ ପ୍ରୋଟୋକଲର କଡ଼ାକଡ଼ି ପାଳନ କରାଯିବ। 

ନିକଟରେ ସଲମାନ୍ ଖାନ୍ ଫିଲ୍ମ ‘ରାଧେ’ର ପ୍ରଥମ ପୋଷ୍ଟର୍ ରିଲିଜ୍ କରିଥିଲେ। ଫିଲ୍ମର ପୋଷ୍ଟର ରିଲିଜ୍ କରି ସଲମାନ୍ ଖାନ୍ ଫ୍ୟାନଙ୍କୁ କହିଥିଲେ, ‘ଇଦ୍ କା ୱାଦା ଥା, ଇଦ୍ ପର୍ ହିଁ ଆୟେଙ୍ଗେ’, କ୍ୟୁଁକି ଏକ୍ ବାର୍ ଜୋ ମେନେ…।’ ସଲମାନ୍ ଖାନ୍ ନିଜର ଚିରାଚରିତ ଢଙ୍ଗରେ ଫ୍ୟାନଙ୍କ ସହ ଫିଲ୍ମର ଏହି ପୋଷ୍ଟର୍ ରିଲିଜ୍ କରିଥିଲେ। 

Powered by Froala Editor