ରେଭ ପାର୍ଟି ଓ ଡ୍ରଗ୍ସ ଜବତ ମାମଲା : କିଙ୍ଗ ଖାନ୍ଙ୍କ ପୁଅ ଆର୍ଯ୍ୟନ୍ ଗିରଫ
ମୁମ୍ବାଇର ଏକ କ୍ରୁଜରେ ଚାଲିଥିବା ରେଭ୍ ପାର୍ଟି ଓ ସେଠାରୁ ଜବତ ହୋଇଥିବା ଡ୍ରଗ୍ସ ମାମଲାରେ ଅଟକ ଥିବା ବଲିଉଡ୍ ସୁପରଷ୍ଟାର ଶାହରୁଖ ଖାନଙ୍କ ପୁଅ ଆର୍ଯ୍ୟନ୍ ଗିରଫ ହୋଇଛନ୍ତି । ଏଥିସହିତ ତାଙ୍କର ଅନ୍ତରଙ୍ଗ ବନ୍ଧୁ ଅରବାଜ୍ ମର୍ଚ୍ଚାଣ୍ଟ, ମୁନମୁନ୍ ଧେମେକା, ନୂପୁର ସାରିକା, ଇସମିତ୍ ସିଂ, ମୋହକ ଜସୱାଲ୍, ବିକ୍ରାନ୍ତ ଚ୍ଛୋକର ଓ ଗୋମିତ୍ ଚୋପ୍ରାଙ୍କୁ ମଧ୍ୟ ଗିରଫ କରାଯାଇଛି।
ଗିରଫ ପରେ ଏନ୍ସିବି ଏବେ ଆର୍ଯ୍ୟନ୍ଙ୍କ ସମେତ ୮ ଜଣଙ୍କ ଡାକ୍ତରୀ ପରୀକ୍ଷା କରିବା ପାଇଁ ହସ୍ପିଟାଲ ନେଇଛି। ଡାକ୍ତରୀ ଯାଞ୍ଚ ପରେ ଏ ସମସ୍ତଙ୍କୁ କୋର୍ଟରେ ହାଜର କରାଯିବ। ସେଠାରେ ହିଁ ଏନ୍ସିବି ରିମାଣ୍ଡ ପାଇଁ ଆବେଦନ କରିପାରେ। ତେବେ ଏନ୍ସିବି କେତେଦିନର ରିମାଣ୍ଡ ମାଗିବ ତାହା କୋର୍ଟରେ ହାଜର ହେବା ପରେ ହିଁ ସ୍ପଷ୍ଟ ହେବ।
ସୂଚନା ମୁତାବକ, ଶନିବାର ମୁମ୍ବାଇ ଉପକୂଳରେ ଏକ ଯାତ୍ରୀବାହୀ ଜାହାଜରେ ରେଭ୍ ପାର୍ଟି ଚାଲିଥିବା ବେଳେ ଏନ୍ସିବି ପକ୍ଷରୁ ଚଢ଼ାଉ କରାଯାଇଥିଲା। ଏହି ସମୟରେ ଆଉ ୧୦ ଜଣଙ୍କ ସମେତ ଶାହାରୁଖ ଖାନଙ୍କ ପୁଅଙ୍କୁ ମଧ୍ୟ ଧରିଥିଲେ ଏନ୍ସିବି ଅଧିକାରୀ। ଏହି ପାର୍ଟି ଆୟୋଜନ କରାଯାଇଥିବା ୬ ଜଣ ବ୍ୟକ୍ତିଙ୍କୁ ହାଜର ହେବା ପାଇଁ ସମନ୍ ଜାରି କରାଯାଇଛି।
ଏନ୍ସିବିର ପଚରାଉଚରା ବେଳେ ଆର୍ଯ୍ୟନ୍ ଏହି ରେଭ୍ ପାର୍ଟିର ଅଂଶ ଥିଲେ। ତାଙ୍କୁ ଭିଭିଆଇପି ଅତିଥି ରୂପେ ଏହି ପାର୍ଟିକୁ ଡକାଯାଇଥିଲା ବୋଲି କହିଛନ୍ତି। ଅନ୍ୟପଟେ ବଲିଉଡର ସୁପରଷ୍ଟାର ଶାହାରୁଖ ଖାନଙ୍କ ପୁଅ ଆର୍ଯ୍ୟନ୍ ଖାନଙ୍କୁ ପଚରାଉଚରା ବେଳେ ସେ କହିଥିଲେ କି, ମୋତେ କେବଳ ଜଣେ ଅତିଥି ଭାବେ ନିମନ୍ତ୍ରଣ ମିଳିଥିଲା ମୁଁ ସେଥିପାଇଁ ସାମିଲ ହୋଇଥିଲି । ଏଥିପାଇଁ ସେ କୌଣସି ଟଙ୍କା ଦେଇ ନଥିବା କହିଛନ୍ତି । ସୂଚନା ଅନୁଯାୟୀ, ୧୩ ଗ୍ରାମ କୋକେନ, ୫ ଗ୍ରାମ MD, ୨୧ ଗ୍ରାମ ଚରସ MDMA ଜବତ କରିବା ସହିତ ଗିରଫ କରାଯାଇଥିଲା, ଏହି ଡ୍ରଗ୍ସର ମୋଟ ମୂଲ୍ୟ ୧, ୩୩, ୦୦୦ ଟଙ୍କା ବୋଲି ଜଣାପଡିଛି।
Powered by Froala Editor
