ନରେନ୍ଦ୍ର ଗିରିଙ୍କ ପରେ ଗାଦି ସମ୍ଭାଳିବେ ବଲବୀର ଗିରି
ଅଖିଳ ଭାରତୀୟ ଅଖାଡା ପରିଷଦର ଅଧ୍ୟକ୍ଷ ମହନ୍ତ ନରେନ୍ଦ୍ର ଗିରିଙ୍କ ମୃତ୍ୟୁ ପରେ ନୂଆ ମହନ୍ତ ହେବେ ବଲବୀର ଗିରି । ଏନେଇ ଔପଚାରିକ ଭାବେ ଅକ୍ଟୋବର ୫ ତାରିଖ ତଥା ଷୋଡଶୀ ଭୋଜ ଦିନ ଘୋଷଣା କରାଯିବ ।
ସୂଚନା ଅନୁଯାୟୀ, ମହନ୍ତଙ୍କ ମୃତ୍ୟୁ ପରେ ତାଙ୍କ ଗାଦିରେ କିଏ ବରାଜମାନ କରିବ ସେନେଇ ଚର୍ଚ୍ଚା ଜୋର୍ ଧରିଥିଲା । କିନ୍ତୁ ଏବେ ସେହି ପ୍ରତିକ୍ଷାର ଅନ୍ତ ଘଟିଛି । ମହନ୍ତଙ୍କ ଯେଉଁ ସୁଇସାଇଡ୍ ନୋଟ୍ ମିଳିଥିଲା ସେଥିରେ ବଲବୀର ଗିରିଙ୍କ ନାମ ରହିଥିଲା । ଆଉ ସେହି ନୋଟରେ ବଲବୀରଙ୍କୁ ମହନ୍ତ କରିବା ପାଇଁ ଉଲ୍ଲେଖ ରହିଥିଲା । ଅକ୍ଟୋବର ୫ ତାରିଖ ସକାଳ ୧୧ଟାରୁ ୧ଟା ମଧ୍ୟରେ ବଲବୀର ଗିରିଙ୍କ ପଟ୍ଟାଭିଷେକ କରାଯିବ । ଯେଉଁଠି ସନ୍ଥ ସମାଜର ଲୋକେ ବଲବୀରଙ୍କୁ ମହନ୍ତ ଚାଦର ଚଢାଇବେ । ଗତ ମଙ୍ଗଳବାର ଦିନ ପଞ୍ଚ ପରମେଶ୍ୱର ବୖେଠକରେ ବଲବୀର ଗିରିଙ୍କ ନାମରେ ସହମତି ପ୍ରକାଶ ହୋଇଥିଲା । ପରେ ଗୁରୁବାର ଦିନ ହରିଦ୍ୱାରରେ ନିରଞ୍ଜନ ଅଖାଡାର ଆଚାର୍ଯ୍ୟ ମହାମଣ୍ଡଳେଶ୍ୱର କୖେଳାଶନନ୍ଦ ମହାରାଜାଙ୍କ ସହ ବୈଠକ ପରେ ବଲବୀରଙ୍କ ନାମ ଘୋଷଣା କରାଯିବ । ଏନେଇ ସୂଚନା ଦେଇଛନ୍ତି ପଞ୍ଚାୟତି ନିରଞ୍ଜନି ଅଖାଡାର ସଚିବ ରବିନ୍ଦ୍ର ପୁରୀ ।
Powered by Froala Editor
