ଭୁବନେଶ୍ୱର: ମହିଳା ମାନଙ୍କ ବିକାଶ ପାଇଁ  ଓ ସେମାନଙ୍କ ଉପôାଦର ଅନଲାଇନ ବିକ୍ରି ପାଇଁ ଡିଜିଟାଲ ମାର୍କେଟିଂ ସହ ଔଦଗିକତା ଉପରେ ଏସଏଚଜି ମହିଳା ମାନଙ୍କୁ ତାଲିମ ଦିଆଯିବ । ମିଳିତ ଜତେସଂଘ ମହିଳା (ୟୁଏନ ୱମେନ)ର ଭାରତ ପ୍ରତିନିଧି ସୁଶାନ ଜେନ୍ ଫର୍ଗୁୁଶନ ପ୍ରଥମ ଥର ପାଇଁ ଓଡିଶା ଗସ୍ତରେ ଆସିଛନ୍ତି । ସେ ଓ ତାଙ୍କ ପ୍ରତିନିଧି ଦଳ ମଙ୍ଗଳବାର ଦିନ ଓଡିଶା ଦକ୍ଷତା ବିକାଶ ପ୍ରଧିକରଣ ଅଧ୍ୟକ୍ଷ ସୁବ୍ରତ ବାଗ୍ଚୀଙ୍କୁ ସାକ୍ଷାତ କରିଛନ୍ତି । ଏହି ସାକ୍ଷାତରେ ମହିଳାଙ୍କ ଦକ୍ଷତା ବୃଦ୍ଧି ନେଇ ଆଲୋଚନା ହୋଇଥିଲା । ଏଥିରେ ଓଡିଶାର ୧୦ଟି ଆଗ୍ରହୀ ଜିଲ୍ଲାର ଏସଏଚଜି ମହିଳାଙ୍କୁ ଦକ୍ଷତା ବିକାଶ ଉପରେ ତାଲିମ ଦିଆଯିବ ବୋଲି ଆଲୋଚନା ହୋଇଥିଲା । ଏହା ସହିତ ବାଲେଶ୍ୱର, ବ୍ରହ୍ମପୁର ଓ ରାଉରକେଲାର ସରକାରୀ ଆଇଟିଆଇରେ ମହିଳା ଫୁଟବଲ ଦଳ ଏବଂ କୋରାପୁଟ ଗୋପବନ୍ଧୁ ଆଇଟିଆଇ ଓ ବଲାଙ୍ଗୀର ସରକାରୀ ଆଇଟିଆଇ ଠାରେ ଭଲିବଲ  କୋର୍ଟ ନିମନ୍ତେ ମଧ୍ୟ ଜାତିସଂଘ ମହିଳା ମଧ୍ୟ ସହୋଯୋଗ କରିବ ଓ ଭୁବନେଶ୍ୱରର ୱାର୍ଲଡ ସ୍କିଲ ସେଣ୍ଟରରେ ମହିଳାଙ୍କୁ ମୁଖ୍ୟ ସ୍ରୋତରେ ସାମିଲ କରିବା ନେଇ ନୀତି, ପାଠ୍ୟକ୍ରମ ଓ ନିଯୁକ୍ତି ନିମନ୍ତେ କାର୍ଯ୍ୟ ଆରମ୍ଭ ହେବ । ମୟୂରଭଞ୍ଜ, ରାୟଗଡା ଓ ଢେଙ୍କାନାଳ ଜିଲାର ସରକାରୀ ଆଇଟିଆଇ  ଏବଂ ପଲିଟେକ୍ନିକକ ଗୁଡିକରେ ସେକେଣ୍ଡ ଚାନ୍ସ ଏଜୁକେଶନ କାର୍ଯ୍ୟକ୍ରମକୁ କାର୍ଯ୍ୟକାରୀ କରାଯାଇଥିବା ବାଗ୍ଚୀ କହିଛନ୍ତି ।    

Powered by Froala Editor