ୟୁପିଆଇ କାରବାର ଉପରେ କେନ୍ଦ୍ର ସରକାର ଲଗାଇଥିବା ଦେୟକୁ ବିରୋଧ କରି ଅକ୍ଟୋବର ୨ ତାରିଖରେ ବିକ୍ଷୋଭ ପ୍ରଦର୍ଶନ କରିବାକୁ ନିଷ୍ପତ୍ତି ନେଇଛନ୍ତି ବ୍ୟବସାୟୀ ସଂଗଠନ। ସରକାରଙ୍କ ଦ୍ବାରା ୨୦୦୦ ଟଙ୍କାରୁ ଅଧିକ କାରବାର ଉପରେ ୦.୪% ଦେୟ ଲଗାଇବା ପ୍ରତିବାଦରେ ବ୍ୟବସାୟୀ ସଂଗଠନଗୁଡ଼ିକ ଏହି ଦିନକୁ ‘ନୋ ୟୁପିଆଇ ଡେ’ ଭାବରେ ପାଳନ କରିବାକୁ ଘୋଷଣା କରିଛନ୍ତି। ଏହି ଦିନ କୌଣସି ବ୍ୟବସାୟୀ ଓ ଦୋକାନୀ ୟୁପିଆଇରେ ଟଙ୍କା ନେବେ ନାହିଁ। 

ମହାରାଷ୍ଟ୍ର ଚାମ୍ବର ଅଫ୍ କମର୍ସ, ଇଣ୍ଡଷ୍ଟ୍ରି ଆଣ୍ଡ ଏଗ୍ରିକଲଚର (ଏମସିସିଆଇଏ)ର ସଭାପତି ରବୀନ୍ଦ୍ର ମଙ୍ଗଭେ କହିଛନ୍ତି ଯେ ଏହି ଆନ୍ଦୋଳନ କେବଳ ମହାରାଷ୍ଟ୍ର ମଧ୍ୟରେ ସୀମିତ ରହିବ ନାହିଁ, ବରଂ ଦେଶର ୫୦୦ରୁ ଅଧିକ ପ୍ରମୁଖ ବେପାରୀ ସଂଗଠନ ଏଥିରେ ଅଂଶଗ୍ରହଣ କରିବେ। ଏହି ସଂଗଠନ ମଧ୍ୟରେ ଅଲ୍ ଇଣ୍ଡିଆ କଞ୍ଜୁମର ପ୍ରଡକ୍ଟସ ଡିଷ୍ଟ୍ରିବ୍ୟୁସନ ଫେଡେରେସନ, ଫେଡେରେସନ ଅଫ ରିଟେଲ ଟ୍ରେଡର୍ସ ୱେଲଫେୟାର ଆସୋସିଏସନ, ଅଲ ଇଣ୍ଡିଆ ମୋବାଇଲ ରିଟେଲର୍ସ ଆସୋସିଏସନ, ଅଲ ଇଣ୍ଡିଆ ଜ୍ବେଲର୍ସ ଆଣ୍ଡ ଗୋଲ୍ଡସ୍ମିତ ଆସୋସିଏସନ ପ୍ରମୁଖ ସାମିଲ ଅଛନ୍ତି।

ଖାଲି ସେତିକି ନୁହେଁ, ୟୁପିଆଇ କ୍ୟୁଆର୍ କୋଡ୍, ସ୍କାନର୍, ସାଉଣ୍ଡ ବକ୍ସ ଓ ଅନ୍ୟାନ୍ୟ ଡିଜିଟାଲ୍ ପେମେଣ୍ଟ ଡିଭାଇସ୍‌ଗୁଡ଼ିକୁ କଳା କପଡ଼ାରେ ଘୋଡ଼ାଇ ପ୍ରତିବାଦ ଜଣାଇବେ। 

Powered by Froala Editor