ମଶା କାମୁଡି ଲାଲ କରିଦେଇଛି କି? ଆପଣାନ୍ତୁ ଏହି ବାଟ
ଅନେକ ଥର ମଶା କାମୁଡ଼ିବା ଆମ ଶରୀରରେ ଲାଲ ରଙ୍ଗର ଦାଗ ସୃଷ୍ଟି ହୋଇଥାଏ ଏବଂ ପରେ କୁଣ୍ଡେଇହେବା ଆରମ୍ଭ ହୁଏ । ତେବେ ଯଦି ଆପଣଙ୍କୁ ମଶା କାମୁଡ଼ିଥାଏ ଓ ଲାଲ ଦାଗ ସୃଷ୍ଟି ହୋଇଥାଏ, ତେବେ ଏହି ସବୁ ଉପାୟ ଆପଣାଇଲେ ଆଉ କୁଣ୍ଡାଇ ହେବ ନାହିଁ । ଆଜି ଆମେ ଆପଣଙ୍କୁ ଏମିତି କିଛି ଘରୋଇ ଉପଚାର କହିବୁ ଯାହା ଆପଣଙ୍କ ପାଇଁ କାମରେ ଆସିପାରେ ।
ପ୍ରଥମ ଉପାୟ
ବେକିଂ ସୋଡା ଦ୍ୱାରା ଆପଣ ମଶା କାମୁଡ଼ା ଯନ୍ତ୍ରଣାରୁ ମୁକ୍ତି ପାଇପାରିବେ । ଏଥିପାଇଁ ଆପଣଙ୍କୁ ବେକିଂ ସୋଡାକୁ ପାଣିରେ ମିଶାଇ ମିଶ୍ରଣ ପ୍ରସ୍ତୁତ କରିବାକୁ ପଡିବ । ଏହା ପରେ, ଯେତେବେଳେ ବି ଆପଣଙ୍କ ଶରୀରରେ ମଶା କାମୁଡ଼ିବ, ସେହି ମିଶ୍ରଣକୁ କାମୁଡିଥିବା ସ୍ଥାନରେ ଲଗାନ୍ତୁ । ତୁରନ୍ତ ଯନ୍ତ୍ରଣା ଉପଶମ ହୋଇଯିବ।
ଦ୍ଵିତୀୟ ଉପାୟ
ସେହିପରି ଯଦି ଆପଣଙ୍କ ଘରେ ବେକିଙ୍ଗ ସୋଡ଼ା ନଥାଏ ତେବେ ଆପଣ ମଶା କାମୁଡିଥିବା ସ୍ଥାନରେ ଲେମ୍ବୁ ବ୍ୟବହାର କରିପାରିବେ। ମଶା କାମୁଡିବା ପରେ ଲେମ୍ବୁ ବ୍ୟବହାର କଲେ ଆଉ ଲାଲ ଦାଗ ସୃଷ୍ଟି ହୋଇନଥାଏ। ମଶା କାମୁଡିଥିବା ସ୍ଥାନରେ ଲେମ୍ବୁ ଚୋପା ଘଷିଦିଅନ୍ତୁ ।
ତୃତୀୟ ଉପାୟ
ଲେମ୍ବୁ ଓ ବେକିଙ୍ଗ ସୋଡ଼ା ବ୍ୟତୀତ ଆପଣ ଆଲୋଭେରା ଜେଲ୍ ମଧ୍ୟ ବ୍ୟବହାର କରିପାରିବେ । ଆଲୋଭେରା ଯେଭଳି ଆପଣଙ୍କ ମୁହଁରେ ଥିବା ଦାଗକୁ ବାହାର କରିଦେଇଥାଏ, ଠିକ ସେଭଳି ଆଲୋଭେରା ଜେଲ୍ ଆପଣଙ୍କ ତ୍ୱଚାରେ ମଶା କାମୁଡ଼ିବା ସମସ୍ୟା ଦୂର କରିବାରେ ମଧ୍ୟ ସାହାଯ୍ୟ କରିଥାଏ ।