ମେଟାର ଦୁଇଟି ସୋସିଆଲ ମିଡିଆ ପ୍ଲାଟଫର୍ମ, ଇନଷ୍ଟାଗ୍ରାମ୍ ଏବଂ ଫେସବୁକ୍ ହଠାତ୍ କାମ କରିବା ବନ୍ଦ କରିଦେଇଥିଲା, ଯାହା ଫଳରେ ସାରା ବିଶ୍ୱରେ ୟୁଜରଙ୍କ ପାଇଁ ସମସ୍ୟା ସୃଷ୍ଟି ହୋଇଛି। ରିପୋର୍ଟ ଅନୁଯାୟୀ, ଜୁଲାଇ ୧୯ ରେ ଫେସବୁକ ସମ୍ପର୍କରେ ଅଭିଯୋଗ ବୃଦ୍ଧି ପାଇବା ଆରମ୍ଭ ହୋଇଥିଲା। ପ୍ଲାଟଫର୍ମ ବ୍ୟବହାର କରିବାରେ ଅସୁବିଧା ବିଷୟରେ ରିପୋର୍ଟ କରିବା ପାଇଁ ୟୁଜର୍ସମାନେ ସୋସିଆଲ ମିଡିଆକୁ ଯାଇଥିଲେ। ଏହା ସହିତ, କେତେଜଣ ୟୁଜର ମେଟାର ମାଲିକାନା ଅନ୍ୟ ଏକ ସେବା ଇନଷ୍ଟାଗ୍ରାମରେ ମଧ୍ୟ ସମସ୍ୟା ବିଷୟରେ ରିପୋର୍ଟ କରିଛନ୍ତି।

ଏହି ଆଉଟରେଜ୍ର ପ୍ରଭାବ ଭାରତ, ଆମେରିକା ଏବଂ ସିଙ୍ଗାପୁର ସମେତ ଅନେକ ଦେଶରେ ଅନୁଭୂତ ହୋଇଥିଲା। ଡାଉନ ଡିଟେକ୍ଟର ଅନୁଯାୟୀ, ଆଜି ଅପରାହ୍ନ ପ୍ରାୟ ୨ଟା ୨୦ ବେଳେ  ଭାରତରେ ଫେସବୁକ୍ ଇନଷ୍ଟାଗ୍ରାମରେ ଡାଉନ୍ ନେଇ ଅଭିଯୋଗ ରିପୋର୍ଟ କରାଯାଇଛି। ୟୁଜରମାନେ ରିପୋର୍ଟ କରିଛନ୍ତି ଯେ ସେମାନଙ୍କର ଫିଡ୍ ରିଫ୍ରେଶ୍ ହେଉନଥିଲା, ଆପ୍‌ର କିଛି ଅଂଶ ମଧ୍ୟ ଖୋଲିନଥିଲା। ସିଧାସଳଖ ମେସେଜ୍ (DM) ପଠାଇବାରେ ବି ସମସ୍ୟା ଆସିଥିଲା। 

ୱେବସାଇଟ୍ ଏବଂ ଆପ୍ ଖୋଲିବା, ନ୍ୟୁଜ୍ ଫିଡ୍ ଲୋଡ୍ ନ ହେବା ଏବଂ ଆକାଉଣ୍ଟ ଫିସର୍ଚ ଆକ୍ସେସ୍ କରିବା ଭଳି ସମସ୍ୟା ଦେଖିବାକୁ ମିଳିଥିଲା। ଏହି ସମସ୍ୟା ନେଇ ମେଟା ଏପର୍ଯ୍ୟନ୍ତ କୌଣସି ସୂଚନା ଦେଇନାହିଁ।

Powered by Froala Editor