B2 ଗ୍ରେଡରେ ମାଟ୍ରିକ ପାସ କଲେ ସୋରଡା ବିଧାୟକ
ଭଞ୍ଜନଗର: ମାଟ୍ରିକ ପାସ କଲେ ସୋରଡା ବିଧାୟକ ପୂର୍ଣ୍ଣଚନ୍ଦ୍ର ସ୍ବାଇଁ । ଆଜି ପ୍ରକାଶ ପାଇଛି ମାଟ୍ରିକ ଅଫଲାଇନ ପରୀକ୍ଷା ଫଳ । ମୋଟ ୫୦୦ ନମ୍ବରରୁ ୩୪୦ ରଖି B2 ଗ୍ରେଡ ପାଇଛନ୍ତି ବିଧାୟକ ।
ସୋରଡା ବିଧାୟକ ପୂର୍ଣ୍ଣଚନ୍ଦ୍ର ସ୍ବାଇଁ ମହାମାରୀ କୋରୋନା ମଧ୍ୟରେ ଚଳିତ ବର୍ଷ ଅନୁଷ୍ଠିତ ହୋଇଥିବା ଅଫଲାଇନ ମାଟ୍ରିକ ପରୀକ୍ଷା ଦେଇଥିଲେ । ଆଜି ଓଡିଶା ମାଧ୍ୟମିକ ଶିକ୍ଷା ପରିଷଦ ପକ୍ଷରୁ ପରୀକ୍ଷାଫଳ ପ୍ରକାଶ ପାଇଛି । ବିଧାୟକ B2 ଗ୍ରେଡରେ ପାସ କରିଛନ୍ତି ମୋଟ ୩୪୦ ମାର୍କ ରଖିଛନ୍ତି । ସୋରଡ଼ା ବାଳିକା ଉଚ୍ଚ ବିଦ୍ୟାଳୟ କେନ୍ଦ୍ରରେ ପରୀକ୍ଷା ଦେଇଥିଲେ ବିଧାୟକ ପୂର୍ଣ୍ଣଚନ୍ଦ୍ର ସ୍ବାଇଁ । କୋରୋନା କଟକଣା ଯୋଗୁଁ ତାଙ୍କୁ ପରୀକ୍ଷା କେନ୍ଦ୍ରରେ ସ୍ବତନ୍ତ୍ର କକ୍ଷ ପ୍ରଦାନ କରାଯାଇଥିଲା ।
ସୂଚନାଥାଉକି ଗତ ଜୁଲାଇ ୩୦ ରୁ ଆରମ୍ଭ ହୋଇ ଅଗଷ୍ଟ ୫ ରେ ହୋଇଥିଲା ଅଫଲାଇନ ମାଟ୍ରିକ ପରୀକ୍ଷା। ମୋଟ ୫୦୪ ସେଣ୍ଟରରେ ୧୫,୧୫୧ ଜଣ ଛାତ୍ରଛାତ୍ରୀ ଦେଇଥିଲେ ପରୀକ୍ଷା।ସେପଟେ ବିଧାୟକଙ୍କ ୧୦ମ ପରୀକ୍ଷାକୁ ନେଇ ମଧ୍ୟ ବେଶ ବିବାଦୀୟ ହୋଇପଡିଥିଲେ । ସେ ନିର୍ବାଚନ ସମୟରେ ଦାଖଲ କରିଥିବା ନାମାଙ୍କନରେ ଭୁଲ ତଥ୍ୟ ଦେଇଥିବା ଅଭିଯୋଗ କରିଛନ୍ତି ବିରୋଧୀ ।
Powered by Froala Editor
