‘ସମୁଦ୍ର କୂଳ ଘର’ ପାଇଁ କଥାଶିଳ୍ପୀ ଯଶୋଧାରା ପାଇବେ କେନ୍ଦ୍ର ସାହିତ୍ୟ ଏକାଡେମୀ ପୁରସ୍କାର
୨୦୨୦ ମସିହା ପାଇଁ ବିଶିଷ୍ଟ କଥାଶିଳ୍ପୀ ଯଶୋଧାରା କେନ୍ଦ୍ର ସାହିତ୍ୟ ଏକାଡେମୀ ପୁରସ୍କାର ପାଇବାକୁ ଯୋଗ୍ୟ ବିବେଚିତ ହୋଇଛନ୍ତି । ତାଙ୍କର ଗଳ୍ପ ସଂକଳନ ସମୁଦ୍ର କୂଳ ଘର ପାଇଁ ସେ ଏହି ପୁରସ୍କାର ପାଇଛନ୍ତି । ୨୦୧୬ ମସିହାରେ ପ୍ରକାଶିତ ଏହି ସଂକଳନକୁ ଇଙ୍କ ଓଡ଼ିଶା ପ୍ରକାଶନ ସଂସ୍ଥା ପ୍ରକାଶ କରିଥିଲା ।
କେନ୍ଦ୍ର ସାହିତ୍ୟ ଏକାଡ଼େମୀ ପକ୍ଷରୁ ଜାରି ସୂଚନା ଅନୁସାରେ ଶ୍ରୀମତୀ ମିଶ୍ରଙ୍କୁ ଓଡ଼ିଆ ଭାଷାରେ ଏବଂ ଓମଚେରୀ ଏନଏନ୍ ପିଲ୍ଲାଇଙ୍କୁ ମାଲାୟଲମ ଭାଷା ପାଇଁ କେନ୍ଦ୍ର ସାହିତ୍ୟ ଏକାଡ଼େମୀ ପୁରସ୍କାର ମିଳିବ। ଉଭୟଙ୍କୁ ପୁରସ୍କାର ବାବଦରେ ତାମ୍ର ଫଳକ ସହ ୧ଲକ୍ଷ ଟଙ୍କାର ପୁରସ୍କାର ରାଶି ମିଳିବ। ୨୦୧୬ମସିହାରେ ପ୍ରକାଶିତ ଶ୍ରୀମତୀ ମିଶ୍ରଙ୍କ ପୁସ୍ତକ ‘ସମୁଦ୍ରକୂଳ ଘର’କୁ କେନ୍ଦ୍ର ସାହିତ୍ୟ ଏକାଡେମୀ ପୁରସ୍କାର ପ୍ରଦାନ ନିମନ୍ତେ ୩ଜଣ ବିଚାରକମଣ୍ଡଳୀ ଡଃ ବୀଣାପାଣି ମହାନ୍ତି, ଡଃ ପ୍ରତିଭା ଶତପଥୀ ଓ ରମାକାନ୍ତ ରଥ ସୁପାରିସ୍ କରିଥିଲେ। ଇଂରାଜୀ ଅଧ୍ୟାପିକା ଭାବେ କାର୍ଯ୍ୟ କରିଥିବା ଶ୍ରୀମତୀ ମିଶ୍ର ପୂର୍ବରୁ ଓଡ଼ିଶା ସାହିତ୍ୟ ଏକାଡେମୀ ପୁରସ୍କାର, କଥା ଆୱାର୍ଡ, ଓଡ଼ିଶା ବୁକ ଫେୟାର ଆୱାର୍ଡ, ଗଙ୍ଗାଧର ରଥ ଫାଉଣ୍ଡେସନ ପୁରସ୍କାର ଆଦି ପାଇଛନ୍ତି।
Powered by Froala Editor
