ଭୁବନେଶ୍ୱର : ବହୁ ପ୍ରତୀକ୍ଷିତ ଅଫଲାଇନ ମାଟ୍ରିକ ପରୀକ୍ଷା ଫଳ ପ୍ରକାଶ ପାଇଛି  । ଅଫଲାଇନ ପରୀକ୍ଷାରେ ପାଶ ହାର ୮୦.୮୩ ପ୍ରତିଶତ ରହିଛି  । ଅପରାହ୍ନ ୪ଟାରେ ବୋଡର଼୍ ପକ୍ଷରୁ ଅଫଲାଇନ ପରୀକ୍ଷା ଫଳ ସଂକ୍ରାନ୍ତରେ ସୂଚନା ଦିଆଯାଇଥିଲା  । ଏ୧ରେ ୪୨, ଏ୨ରେ ୨୫୫, ବି୧ରେ ୩୪୮, ବି୨ରେ ୪୫୮ ଜଣ ପାଶ କରିଛନ୍ତି  । ପରୀକ୍ଷାରେ ୩୧ ଶହ ଛାତ୍ର ଓ ୨୧୩୩ ଛାତ୍ରୀ ପାଶ କରିଛନ୍ତି  ।

ତେବେ ସବୁଠାରୁ ବଡ଼ କଥା ହେଉଛି ୨୭୧ ଜଣଙ୍କର ମାର୍କ ବଢ଼ିଥିବାବେଳେ ୪୫୯ ଜଣଙ୍କର ମାର୍କ କମିଛି  । ବୋଡର଼୍ ୱେବସାଇଟରେ ଛାତ୍ରଛାତ୍ରୀମାନେ ନିଜର ମାର୍କ ଜାଣିପାରିବେ  ।

କରୋନା ପାଇଁ ଚଳିତ ବର୍ଷ ମାଟ୍ରିକ ପରୀକ୍ଷା ହୋଇପାରିନଥିଲା  । ଫଳରେ ନବମ ଓ ଦଶମ ଶ୍ରେଣୀରେ ହୋଇଥିବା ଅଭ୍ୟାସ ପରୀକ୍ଷା ଆଧାରରେ ମାର୍କିଂ କରାଯାଇଥିଲା  । ତେବେ କେତେକ ଛାତ୍ରଛାତ୍ରୀମାନେ ପରୀକ୍ଷା ଫଳକୁ ନେଇ ଅସନ୍ତୋଷ ପ୍ରକାଶ କରିଥିଲେ  । ଅନେକ ଛାତ୍ରଛାତ୍ରୀ ଅସନ୍ତୁଷ୍ଟ ସତ୍ୱେ ପରୀକ୍ଷା ଦେଇନଥିବାବେଳେ ୧୫ ହଜାରରୁ ଉଦ୍ଧ୍ୱର୍ ଛାତ୍ରଛାତ୍ରୀ ନିଜର ମାର୍କ ବୃଦ୍ଧି ଆଶାରେ ଅଫଲାଇନ ପରୀକ୍ଷା ପାଇଁ ଫର୍ମପୂରଣ କରିଥିଲେ  । ଜୁଲାଇ ୩୦ରୁ ଅଗଷ୍ଟ ୫ ପର୍ଯ୍ୟନ୍ତ ରାଜ୍ୟର ୫୦୪ଟି ପରୀକ୍ଷା କେନ୍ଦ୍ରରେ ଅନୁଷ୍ଠିତ ହୋଇଥିଲା  । ତେବେ ୩ ହଜାର ପିଲା ପରୀକ୍ଷା ନଦେଇ ଅନୁପସ୍ଥିତ ରହିଥିଲେ  ।

Powered by Froala Editor