ବିମାନରୁ ଖସି ଫୁଟବଲ ଖେଳାଳି ମୃତ
କାବୁଲ : ଆଫଗାନିସ୍ତାନ ଜାତୀୟ ଯୁବ ଫୁଟବଲ ଦଳର ଖେଳାଳି ଜାକି ଅନୱାରି ବିମାନରୁ ଖସି ମୃତୁ୍ୟବରଣ କରିଛନ୍ତି । ତାଲିବାନ କବଜା କରିବାରୁ ଆଫଗାନିସ୍ତାନବାସୀ ଭୟଭୀତ ହୋଇ ଦେଶ ଛାଡ଼ି ବାହାରକୁ ଯିବା ଲାଗି କାବୁଲ ବିମାନ ବନ୍ଦରରେ ପହଞ୍ଚିଥିଲେ । ସେଠାରେ ଆମେରିକୀୟ ସେନା ବିମାନରେ କ୍ଷମତାଠୁ ଅଧିକ ଲୋକ ଭର୍ତ୍ତି ହୋଇଥିଲେ । ଆମେରିକୀୟ ସେନାଙ୍କ ବାରଣ ସତ୍ତ୍ୱେ କେହି ଶୁଣିନଥିଲେ । ଫଳରେ ବିମାନ ଉଡ଼ିବା ଆରମ୍ଭ ବେଳେ ଅନେକ ଖସି ପଡ଼ିଥିଲେ । ଏମାନଙ୍କ ମଧ୍ୟରୁ ପ୍ରାୟ ୧୦ ଜଣ ମୃତୁ୍ୟବରଣ କରିଥିବା ବେଳେ ଅନେକ ଆହତ ହୋଥିଲେ । ଏହି ମୃତକଙ୍କ ମଧ୍ୟରେ ୧୬ ବର୍ଷୀୟ ଜାକି ରହିଥିଲେ । ତାଙ୍କର ମୃତୁ୍ୟ ଘଟିଥିଲା । ହେଲେ ଆଫଗାନିସ୍ତାନ ଜାତୀୟ ଫୁଟବଲ ଦଳ ବୁଧବାର ଏହି ବିଷୟରେ ଘୋଷଣା କରିଥିଲା । ସାମାଜିକ ଗଣମାଧ୍ୟମରେ ତାଙ୍କ ମୃତୁ୍ୟ ଖବର ପ୍ରକାଶ ପାଇବା ପରେ ସାରା ବିଶ୍ୱର ଫୁଟବଲପ୍ରେମୀ, ଖେଳାଳୀମାନେ ଶୋକବ୍ୟକ୍ତ କରିଛନ୍ତି ।
Powered by Froala Editor
