ନୂଆଦିଲ୍ଲୀ : ଆଜି ସଂଧ୍ୟାରେ ରାଜ୍ୟ କ୍ୟାବିନେଟର ଏକ ଗୁରୁତ୍ୱପୂର୍ଣ୍ଣ ବୈଠକ ବସିବ  । ବୈଠକରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଗୁରୁତ୍ୱପୂର୍ଣ୍ଣ ନିଷ୍ପତି ନେବେ ବୋଲି ଜାଣିବାକୁ ମିଳିଛି । ମୁଖ୍ୟମନ୍ତ୍ରୀଙ୍କ ଅଧ୍ୟକ୍ଷତାରେ ବସିବାକୁ ଥିବା ବୈଠକ ଉପରେ ଏବେ ସମସ୍ତଙ୍କ ନଜର ରହିଛି  । ବିଶେଷକରି ହକିକୁ ନେଇ ମୁଖ୍ୟମନ୍ତ୍ରୀ  ଏକ ଗୁରୁତ୍ୱପୂର୍ଣ୍ଣ ଘୋଷଣା କରିବେ ବୋଲି ଚର୍ଚ୍ଚା ହେଉଛି ।

ମିଳିଥିବା ସୂଚନାନୁଯାୟୀ, କ୍ୟାବିନେଟ ବୈଠକରେ ୧୨ଟି ପ୍ରସ୍ତାବ ଉପରେ ଆଲୋଚନା ହେବ  । ସେଥିରେ କ୍ରୀଡ଼ା ବିଭାଗର ଗୁରୁତ୍ୱପୂର୍ଣ୍ଣ ପ୍ରସ୍ତାବ ବି ରହିଛି  ।  ବିଶେଷକରି ହକି ପାଇଁ ଓଡ଼ିଶାର ଭୂମିକା ସମ୍ପର୍କରେ ଜାତୀୟସ୍ତରରେ ଚର୍ଚ୍ଚା ଜୋର ଧରିଥିବାରୁ ସେ ସଂକ୍ରାନ୍ତୀୟ ଗୁରୁତ୍ୱପୂର୍ଣ୍ଣ ଘୋଷଣା କରାଯିବ ବୋଲି ଜାଣିବାକୁ ମିଳିଛି । ଭାରତ ୪୧ ବର୍ଷ ପରେ ଅଲମ୍ପିକସରେ ପଦକ ଆଣିବା ପରେ ଜାତୀୟସ୍ତରରେ ନବୀନଙ୍କ ଖ୍ୟାତି ବଢ଼ିଯାଇଛି  । ଏହି ମଉକାରେ ନବୀନ ହକି ସଂକ୍ରାନ୍ତୀୟ ଗୁରୁତ୍ୱପୂର୍ଣ୍ଣ ନିଷ୍ପତି ନେଇ ଆହୁରି ଚର୍ଚ୍ଚିତ ହେବେବୋଲି ଆଶା କରାଯାଉଛି  । ଓଡ଼ିଶାରେ କ୍ରୀଡ଼ାକୁ କିଭଳି ଅଧିକ ପ୍ରୋତ୍ସାହନ ମିଳିବ ସେନେଇ ପଦକ୍ଷେପ ନିଆଯାଇପାରେ  । ଏହାବ୍ୟତୀତ କେତେକ ବିଭାଗରେ ଚାକିରୀ ସଂକ୍ରାନ୍ତୀୟ ସର୍ତାବଳୀରେ ସଂଶୋଧନ କରାଯିବ ବୋଲି ଜାଣିବାକୁ ମିଳିଛି  ।

Powered by Froala Editor