ଏନ୍କାଉଣ୍ଟରରେ ଜଣେ ଆତଙ୍କବାଦୀ ନିହତ
ଶ୍ରୀନଗର: ସୁରକ୍ଷା ବାହିନୀର ଏନ୍କାଉଣ୍ଟରରେ ଆଜି ସକାଳୁ ଜଣେ ଆତଙ୍କବାଦୀ ନିହତ ହୋଇଛି । ଜମ୍ମୁ କଶ୍ମୀର ପୋଲିସ ଘଟଣାସ୍ଥଳରୁ ଏକ ଏକେ ୪୭ ରାଇଫଲ ଓ ପିସ୍ତଲ ଜବତ କରିଛି । ତେବେ ନିହତ ଆତଙ୍କବାଦୀର ପରିଚୟ ମିଳିପାରି ନାହିଁ ।
କଶ୍ମୀର ଜୋନ୍ ପୋଲିସ ପକ୍ଷରୁ କୁହାଯାଇଛି ଯେ, ବଡ଼ଗାମରେ ଭୋର ସକାଳୁ ସୁରକ୍ଷା ବାହିନୀର ଯବାନ ଓ ଆତଙ୍କବାଦୀଙ୍କ ମଧ୍ୟରେ ଗୁଳିବିନିମୟ ହୋଇଥିଲା । ଅପରିଚିତ ଆତଙ୍କବାଦୀ ଯେତେବେଳେ ସୁରକ୍ଷା କର୍ମୀମାନେ ମାଡ଼ି ଆସୁଛନ୍ତି, ଏମାନଙ୍କୁ ଦେଖି ବ୍ୟସ୍ତ ହୋଇପଡ଼ିଥିଲା । ଶେଷରେ ଉପାୟ ନପାଇ ବନ୍ଧୁକ ଚଳାଇଥିଲା । କିନ୍ତୁ ସୁରକ୍ଷା ବାହିନୀର କାର୍ୟ୍ୟାନୁଷ୍ଠାନ ଫଳରେ ସେଠାରେ ସେ ଟଳିପଡ଼ିଥିଲା । ରିପୋର୍ଟ ଲେଖାଯିବା ବେଳକୁ ସୁରକ୍ଷା ବାହିନୀର ଯବାନମାନେ ସର୍ଚ୍ଚ ଅପରେଶନ ଜାରି ରଖିଛନ୍ତି ।
Powered by Froala Editor
