ବାତ୍ୟା ନେଇ ସ୍ପଷ୍ଟ କଲେ ଆଇଏମଡି ଡିଜି, କହିଲେ ଏହା.....
ଭୁବନେଶ୍ୱର: ୨୬ ତାରିଖ ସକାଳେ ସୃଷ୍ଟି ହୋଇପାରେ ବାତ୍ୟା। ସ୍ପଷ୍ଟ କଲେ ଆଇଏମଡି ଡିଜି ମୃତ୍ୟୁଞ୍ଜୟ ମହାପାତ୍ର। ଆଜି ପୂର୍ବକେନ୍ଦ୍ରୀୟ ବଙ୍ଗୋପସାଗରରେ ଲଘୁଚାପ କ୍ଷେତ୍ର ସୃଷ୍ଟି ହୋଇଛି। କାଲି ଅବପାତ, ୨୫ରେ ଗଭୀର ଅବପାତର ରୂପ ନେବା ସମ୍ଭାବନା ରହିଛି। ୨୬ରେ ପଶ୍ଚିମକେନ୍ଦ୍ରୀୟ ବଙ୍ଗୋପସାଗରରେ ବାତ୍ୟାରେ ପରିଣତ ହୋଇପାରେ। ୨୮ ସକାଳେ ଉତ୍ତର ଆନ୍ଧ୍ର-ଦକ୍ଷିଣ ଓଡ଼ିଶା ଉପକୂଳ ଛୁଇଁବା ସମ୍ଭାବନା ରହିଛି।
୨୫ ତାରିଖ ବେଳକୁ ୫୫ରୁ ୬୫ ଅତିବେଶିରେ ୭୫ କିମି ପର୍ୟ୍ୟନ୍ତ ସମ୍ଭାବନା ରହିଛି। ୨୬ ତାରିଖ ବେଳକୁ ଅତିବେଶିରେ ୯୦ କିମି ଘଣ୍ଟାପ୍ରତି ବେଗରେ ପବନ ବହିବାର ସମ୍ଭାବନା ରହିଛି। ପରେ ଉପକୂଳ ଆଡକୁ ଗତି କରିବା ପବନର ବେଗ ବଢିବ। ସବୁଠୁ ଅଧିକ ପବନ କେତେ ରହିବ ସେ ନେଇ ପୂର୍ବାନୁମାନ କରାଯାଇନଥିବା କହିଛନ୍ତି ମୃତ୍ୟୁଞ୍ଜୟ ମହାପାତ୍ର। ଅବପାତରେ ପରିଣତ ପରେ ସର୍ବାଧିକ ପବନର ବେଗ ଆକଳନ କରାଯିବ।
Powered by Froala Editor
