ଆସନ୍ତା ନିର୍ବାଚନରେ ଆମେ ୪୦୦ ଆସନରେ ଜିତିବୁ:ଅଖିଳେଶ ଯାଦବ
ଲକ୍ଷ୍ନୌ : ଉତ୍ତରପ୍ରଦେଶ ବିଧାନସଭା ନିର୍ବାଚନ ପାଇଁ ବର୍ଷକରୁ କମ ସମୟ ଥିବା ବେଳେ ଏବେଠାରୁ ପ୍ରସ୍ତୁତି ଆରମ୍ଭ ହୋଇଯାଇଛି । ଉତ୍ତରପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ ତଥା ସପା ସଭାପତି ଅଖିଳେଶ ଯାଦବ କହିଛନ୍ତି, ଆସନ୍ତା ନିର୍ବାଚନରେ ତାଙ୍କ ଦଳ ୪୦୦ ଆସନରେ ଜିତିବ । ଏକ ସାମ୍ବାଦିକ ସମ୍ମିଳନୀ କରି ଯାଦବ କହିଛନ୍ତି, ବିଜେପି ସରକାର ବିରୋଧରେ ଲୋକଙ୍କ କ୍ରୋଧକୁ ଦେଖିଲେ ଲାଗୁଛି ଯେ, ଆମେ ୨୦୨୨ ବିଧାନସଭା ନିର୍ବାଚନରେ ୪୦୦ ଆସନରେ ଜିତିବୁ । ବିଜେପିକୁ ସମାଲୋଚନା କରି ଅଖିଳେଶ ଯାଦବ କହିଛନ୍ତି, ଉତ୍ତରପ୍ରଦେଶ କୋଭିଡ ମେଡିସିନର କଳା ବଜାର କରିବାରେ ସବୁଠୁ ଆଗରେ ରହିଛି । ମୁଖ୍ୟମନ୍ତ୍ରୀଙ୍କୁ କଟାକ୍ଷ କରି ଅଖିଳେଶ ଯାଦବ କହିଛନ୍ତି, ମୁଖ୍ୟମନ୍ତ୍ରୀ ଯେହେତୁ ଲ୍ୟାପଟପ ବ୍ୟବହାର କରି ଶିଖିନାହାନ୍ତି ତେଣୁ ସେ ଛାତ୍ରଛାତ୍ରୀଙ୍କୁ ମାଗଣା ଲାପଟପ ଦେଉନାହାନ୍ତି ।
Powered by Froala Editor
