ମନ୍ଦିରରୁ ଚୋରି ଘଟଣାରେ ପୁଲିସକୁ ସଫଳତା, ୫ ଜଣଙ୍କୁ ବାନ୍ଧିଲା ପୁଲିସ
ବାସୁଦେବପୁର : ଭଦ୍ରକ ଜିଲ୍ଲା ବାସୁଦେବପୁର ଥାନା ଅଞ୍ଚଳରେ ଏକାଧିକ ମନ୍ଦିରରୁ ଚୋରି ଘଟଣାରେ ପୁଲିସକୁ ସଫଳତା ମିଳିଛି। ଲକ୍ଷାଧିକ ଟଙ୍କାର ସୁନା ରୁପା ଅଳଂକାର ସହ ୫ ଜଣଙ୍କୁ ବାନ୍ଧିଛି ପୁଲିସ। ଏମାନଙ୍କ ମଧ୍ୟରେ ସାମଗ୍ରୀ କିଣିଥିବା ଜଣେ ଦୋକାନୀ ଅଛନ୍ତି। ଥାନା ଅଞ୍ଚଳରେ ନନ୍ଦପୁର, ନୂଆ ଗାଁ, ଇରମ, ବାଲିନଗର ଥିବା ଏକାଧିକ ମନ୍ଦିରରୁ ଅଳଂକାର ସହ ହୁଣ୍ଡି ବାକ୍ସ ଚୋରି ହୋଇଥିଲା। ମନ୍ଦିର କମିଟି ପକ୍ଷରୁ ଅଭିଯୋଗ ପରେ ପୁଲିସ ଏକ ଟିମ ତିଆରି କରି ଚୋରକୁ ଧରିବାକୁ ଉଦ୍ୟମ କରିଥିଲା। ସାମ୍ବାଦିକ ସମ୍ମିଳନୀରେ ପୁଲିସ ପକ୍ଷରୁ ସୂଚନା ମିଳିଛି।
Powered by Froala Editor
