ଦୁଇ ପିଲାଙ୍କୁ ଛାଡ଼ି ଯୁବକ ସହ ମହିଳା ଫେରାର
ଦୁଇ ପିଲାଙ୍କୁ ଘରେ ଛାଡ଼ି ଜଣେ ଯୁବକଙ୍କ ସହ ମହିଳା ଫେରାର ହୋଇଯାଇଛନ୍ତି। ଏହି ଘଟଣା ବିହାରର ମୋତିହାରୀ ଜିଲ୍ଲା ହରସିଦ୍ଧି ଥାନା ଅଞ୍ଚଳର ବୋଲି ଜଣାପଡ଼ିଛି। ଅଭିଯୋଗ ହେଉଛି, ଘର ଛାଡ଼ିବା ସମୟରେ ମହିଳା ଗହଣା ସହ ୧ ଲକ୍ଷ ୨୦ ହଜାର ଟଙ୍କା ମଧ୍ୟ ନେଇଯାଇଛନ୍ତି।
ପ୍ରାୟ ୧୦ ବର୍ଷ ପୂର୍ବେ ମହିଳାଙ୍କ ବିବାହ ତୁରକୌଲିଆ ଥାନା ଅଞ୍ଚଳର ଏକ ଗାଁରେ ହୋଇଥିଲା। ବିବାହ ପରେ ଦମ୍ପତିଙ୍କର ଦୁଇଟି ସନ୍ତାନ ହୋଇଥିଲା। ପରିବାର ଚଳାଇବା ପାଇଁ ସ୍ୱାମୀ ତାମିଲନାଡୁରେ ରହୁଥିଲେ। ମହିଳା ଦୁଇ ପିଲାଙ୍କ ସହ ଗାଁରେ ରହୁଥିଲେ। ସେ ବାହାରେ ରହୁଥିବା ସମୟରେ ରୌଶନ କୁମାର ନାମକ ଜଣେ ଯୁବକ ପ୍ରାୟତଃ ତାଙ୍କ ଘରକୁ ଆସୁଥିଲେ। ରୌଶନ ତାଙ୍କ ସମ୍ପର୍କୀୟ ଭାଇ ବୋଲି ମଧ୍ୟ କହିଛନ୍ତି।
ମହିଳା ଦୁଇ ପିଲାଙ୍କୁ ଘରେ ଛାଡ଼ି ରୌଶନଙ୍କ ସହ ଚାଲିଯାଇଛନ୍ତି। ଘରୁ ଯିବା ସମୟରେ ସେ ଘରର ଗହଣା ଏବଂ ପ୍ରାୟ ୧ ଲକ୍ଷ ୨୦ ହଜାର ଟଙ୍କା ମଧ୍ୟ ନେଇଯାଇଥିବା ଅଭିଯୋଗ ହୋଇଛି। ସ୍ୱାମୀ ଥାନାରେ ଅଭିଯୋଗ କରିବା ପରେ ପୁଲିସ ଏକ ମାମଲା ରୁଜୁ କରି ଘଟଣାର ତଦନ୍ତ ଆରମ୍ଭ କରିଛି।
Powered by Froala Editor
