ସାରନାଥର ସ୍ଥାପତ୍ୟ ୟୁନେସ୍କୋ ତାଲିକାରେ
ଦକ୍ଷିଣ କୋରିଆରେ ଅନୁଷ୍ଠିତ ୟୁନେସ୍କୋ କମିଟି ବୈଠକରେ ଏସିଆ, ଆମେରିକା ଓ ଆଫ୍ରିକାର ଅନେକ ସ୍ଥାନକୁ ବିଶ୍ୱ ଐତିହ୍ୟ ତାଲିକାରେ ଯୋଡାଯାଇଛି। ବାରାଣସୀର ଏକ ପ୍ରାଚୀନ ବୌଦ୍ଧ ସ୍ଥଳୀ ସାରନାଥ ବିଶ୍ୱ ଐତିହ୍ୟ ତାଲିକାରେ ନୂତନ ଭାବେ ଯୋଡ଼ି ହୋଇଛି।
ୟୁନେସ୍କୋ କହିଛି ଯେ, ସାରନାଥରେ ଗୌତମ ବୁଦ୍ଧ ତାଙ୍କର ପ୍ରଥମ ଧର୍ମୋପଦେଶ ଦେଇଥିବାରୁ ଏହାର ସ୍ବତନ୍ତ୍ର ଗୁରୁତ୍ବ ରହିଛି। ସାରନାଥର ସ୍ଥାପତ୍ୟ ଓ ପ୍ରତ୍ନତାତ୍ତ୍ୱିକ ଅବଶେଷ ଅବକ୍ଷୟ ହେବା ସତ୍ତ୍ୱେ ଏହା ଗଭୀର ଗୁରୁତ୍ୱ ବହନ କରୁଛି।
ସାରନାଥ ବ୍ୟତୀତ ଜର୍ଜିଆର ଓକେଫେନୋକି ସ୍ୱାମ୍ପ, ଥାଇଲାଣ୍ଡର ତ୍ରୟୋଦଶ ଶତାବ୍ଦୀର ଏକ ବୌଦ୍ଧ ମନ୍ଦିର, ଭାରତର ସାରନାଥ, ଦକ୍ଷିଣ କୋରିଆର ଟାଇଡାଲ ଫ୍ଲାଟ୍, ଚୀନ୍ର ଚିନାମାଟି ପାତ୍ର ଶିଳ୍ପ ସ୍ଥାନ ଓ କୋମୋରୋସର ଐତିହାସିକ ସହର ଅନ୍ତର୍ଭୁକ୍ତ।
ଆମେରିକାର ଜର୍ଜିଆ ରାଜ୍ୟର ଓକେଫେନୋକି ସ୍ୱାମ୍ପକୁ ଏହାର ଜୈବବିବିଧତା ଓ ପରିବେଶଗତ ଗୁରୁତ୍ୱ ପାଇଁ ତାଲିକାରେ ଯୋଡାଯାଇଛି। ଏହା ବିଶ୍ୱର ସର୍ବବୃହତ୍ ମଧୁର ଜଳ ଇକୋସିଷ୍ଟମ୍ ମଧ୍ୟରୁ ଗୋଟିଏ।
Powered by Froala Editor
