୩ ଦିନ ଯାଏ ସାରା ରାଜ୍ୟକୁ ଝଡ଼ବର୍ଷା ଆଲର୍ଟ
ଭୁବନେଶ୍ୱର :ଆସନ୍ତା ୩ ଦିନ ଯାଏ ସାରା ରାଜ୍ୟକୁ ଝଡ଼ବର୍ଷା ଆଲର୍ଟ। ୨୪ ତାରିଖ ଯାଏ ରାଜ୍ୟର ବିଭିନ୍ନ ସ୍ଥାନରେ କାଳବୈଶାଖୀ ବର୍ଷା ସମ୍ଭାବନା ରହିଛି। ଆଜି ପାଇଁ ବାଲେଶ୍ବର ଓ ମୟୂରଭଞ୍ଜ ଜିଲ୍ଲାକୁ ପ୍ରବଳ ବର୍ଷା ନେଇ ଅରେଞ୍ଜ ୱାର୍ଣ୍ଣିଂ ଜାରି ହୋଇଛି।
୬ ଜିଲ୍ଲାକୁ ଝଡ଼ବର୍ଷା ନେଇ ଅରେଞ୍ଜ ୱାର୍ଣ୍ଣିଂ ଜାରି ହୋଇଛି। ବାକି ୨୨ ଜିଲ୍ଲାକୁ କାଳବୈଶାଖୀ ନେଇ ୟେଲୋ ସତର୍କତା ଜାରି କରିଛି ପାଣିପାଗ ବିଭାଗ।
ପାଣିପାଗ କେନ୍ଦ୍ରର ସୂଚନାନୁଯାୟୀ, ଶନିବାର ଝାରସୁଗୁଡ଼ା ଓ ବୌଦ୍ଧରେ ସର୍ବାଧିକ ୪୦ଡିଗ୍ରୀ ତାପମାତ୍ରା ରେକର୍ଡ କରାଯାଇଥିବା ବେଳେ ନୂଆପଡ଼ାରେ ୩୯ଡିଗ୍ରୀ, ବାରିପଦା, ଭବାନୀପାଟଣା ଓ ଟିଟିଲାଗଡ଼ରେ ୩୯ ଡିଗ୍ରୀ, ରାଉରକେଲା, ସୋନପୁର ଓ ବଲାଙ୍ଗିରରେ ୩୭, ସୁନ୍ଦରଗଡ଼, କୋରାପୁଟ ଓ ମାଲକାନଗିରିରେ ୩୬, ଖୋରଧା, ପାରଳାଖେମୁଣ୍ଡି, ତାଳଚେର, କେନ୍ଦୁଝର ଓ ବାଲେଶ୍ବରରେ ୩୫ ଡିଗ୍ରୀ, ଭୁବନେଶ୍ବର, ରାୟଗଡ଼ା, ଯାଜପୁର, ନବରଙ୍ଗପୁର ଓ କେନ୍ଦ୍ରାପଡ଼ାରେ ୩୪ଡିଗ୍ରୀ, ଚାନ୍ଦବାଲି, କଟକ, ଅନୁଗୋଳ, ଫୁଲବାଣୀ, ଭଦ୍ରକ, ଢେଙ୍କାନାଳ ଓ ଦେବଗଡ଼ରେ ୩୩ଡିଗ୍ରୀ ରେକର୍ଡ କରାଯାଇଛି।
Powered by Froala Editor
