ଜେରାଇ ଫିଟ୍ନେସ୍ ଲିମିଟେଡ (“ଜେରାଇ ଫିଟ୍ନେସ୍”) ରିବକ୍ର ଭାରତର ଶକ୍ତି, ଧୈର୍ଯ୍ୟ ଓ ମାନସିକ ଦୃଢତାର ପରୀକ୍ଷା ଦ୍ୱାରା ସଶକ୍ତ ‘ଲାଷ୍ଟ ୱାନ୍ ଷ୍ଟାଣ୍ଡିଂ’ ଶୁଭାରମ୍ଭ କଲା
ମୁମ୍ବାଇ, ଭାରତ । ଜୁନ ୧୬, ୨୦୨୬: ଭାରତରେ ଫିଟ୍ନେସ୍ ଉପକରଣର ସ୍ୱୟଂଚାଳିତ ଉତ୍ପାଦନ କ୍ଷେତ୍ରରେ ଏକ ଅଗ୍ରଣୀ କମ୍ପାନୀ ଜେରାଇ ଫିଟ୍ନେସ୍ ଲିମିଟେଡ ରିବକ୍କୁ ଏହାର ପଣ୍ୟଦ୍ରବ୍ୟ ଓ ଫିଟ୍ନେସ୍ ସାମଗ୍ରୀର ଅଂଶୀଦାର ଭାବରେ ନେଇ ଏହି ଧରଣର ପ୍ରଥମ ଜାତୀୟସ୍ତରର ସାମର୍ଥ୍ୟ ଓ ସହନଶୀଳତା ଚମ୍ପଆନସିପ୍ ‘ଲାଷ୍ଟ ୱାନ ଷ୍ଟାଣ୍ଡିଂ’ ଶୁଭାରମ୍ଭ ସମ୍ପର୍କରେ ଘୋଷଣା କରିଛି । ଏକ ଫିଟ୍ନେସ୍ ପ୍ରତିଯୋଗିତାରୁ ଯଥେଷ୍ଟ ଅଧିକ ଏହି କାର୍ଯ୍ୟକ୍ରମକୁ ସମଗ୍ର ଦେଶର ଫିଟ୍ନେସ୍ ଉତ୍ସାହୀ, ଆଥଲେଟ, ଜିମ୍ ଯାଉଥିବା ବ୍ୟକ୍ତି ଏବଂ ଦୈନନ୍ଦିନ ଚାଲେଞ୍ଜରମାନଙ୍କୁ ଗୋଟିଏ ସ୍ଥାନରେ ଏକତ୍ରିତ କରିବା ନିମନ୍ତେ ଏକ ବୃହଦାକାୟ ଅଭିଯାନ ଭାବରେ ପରିକଳ୍ପନା କରାଯାଇଛି ।
ଏହି ଏକ-ଦିବସୀୟ ଚମ୍ପିଆନସିପ୍ ନିମନ୍ତେ ପଞ୍ଜିକରଣ ଆରମ୍ଭ ହୋଇଛି ଏବଂ ଏହାର ପ୍ରଥମ ସଂସ୍କରଣ ମୁମ୍ବାଇରେ ଡିସେମ୍ବର୧୩, ୨୦୨୬ରେ ଅନୁଷ୍ଠିତ ହେବ । ଏହାର ପ୍ରଥମ ସଂସ୍କରଣ ନିମନ୍ତେ ଅଂଶଗ୍ରହଣକୁ ପ୍ରଥମ ୫୦୦ ପ୍ରବେଶରେ ସୀମିତ ରଖାଯିବ ।
ନିଷ୍କ୍ରିୟ ଜୀବନଶୈଳୀ ଯେତେବେଳେ ଅଧିକରୁ ଅଧିକ ସାଧାରଣ ଘଟଣା ହେବାରେ ଲାଗିଛି, ସେତେବେଳେ ଲାଷ୍ଟ ୱାନ୍ ଷ୍ଟାଣ୍ଡିଂ ଜନସାଧାରଣଙ୍କୁ ସେମାନଙ୍କର ଶାରୀରିକ ସାମର୍ଥ୍ୟ, ସହନଶୀଳତା, ଶୃଙ୍ଖଳା ଏବଂ ମଜଭୁତପଣ ସହିତ ପୁନଃ ଯୋଡିହେବାକୁ ପ୍ରେରିତ କରିବା ଲକ୍ଷ୍ୟ ରଖିଛି । ଫିଟ୍ନେସ୍ କେବଳ ଚେହେରା ଠାରୁ ଯଥେଷ୍ଟ ଅଧିକ ବୋଲି ବିଶ୍ୱାସ ଆଧାରରେ ପ୍ରସ୍ତୁତ ଏହି ଚମ୍ପିଆନସିପ୍ ଅଂଶଗ୍ରହଣକାରୀଙ୍କୁ ସେମାନଙ୍କ ଶରୀର ଓ ମନ ବାସ୍ତବରେ କେତେଦୂର ଯାଇପାରିବ ତାହା ଆବିଷ୍କାର କରିବାକୁ ଚାଲେଞ୍ଜ ଦେଉଛି ।
ଗୋଟିଏ ବିଭାଗ ଉପରେ ଦୃଷ୍ଟିନିବଦ୍ଧ କରୁଥିବା ପାରମ୍ପରିକ ପ୍ରତିଯୋଗିତାଗୁଡିକ ଠାରୁ ଭିନ୍ନ ଏହି ଲାଷ୍ଟ ୱାନ୍ ଷ୍ଟାଣ୍ଡିଂରେ ଏକାଧିକ ଫିଟ୍ନେସ୍ ଚାଲେଞ୍ଜକୁ ସାମଗ୍ରିକ ପ୍ରଦର୍ଶନର ସଘନ ପରୀକ୍ଷାରେ ଏକୀକୃତ କରାଯାଇଛି । ଅଂଶଗ୍ରହଣକାରୀମାନେ ସ୍କାଟସ୍, ବେଞ୍ଚ ପ୍ରେସ, ଡେଡଲିଫ୍ଟ, ପୁଲ୍-ଅପ୍ସ୍, ଜାଣ୍ଟ ବ୍ୟାଟ୍ ରନ୍ ଏବଂ ଏୟାର ବାଇକ (ସାଇକ୍ଲିଂ) ସମେତ ଛଅଟି ବିଭିନ୍ନ ବିଭାଗରେ ପ୍ରତିଯୋଗିତା କରିବେ । ପ୍ରତ୍ୟେକଟି ଇଭେଣ୍ଟକୁ ସାଧାରଣ ସାମର୍ଥ୍ୟ, ସହନଶୀଳତାରୁ ନେଇ ଚପଳତା, ସନ୍ତୁଳନ ଏବଂ ମାନସିକ ମଜଭୁତପଣ ପର୍ଯ୍ୟନ୍ତ ଫିଟ୍ନେସ୍ର ବିଭିନ୍ନ ଦୃଷ୍ଟିକୋଣରୁ ପରୀକ୍ଷା କରିବାକୁ ଡିଜାଇନ କରାଯାଇଛି ।
ଏହି ଚମ୍ପିଆନସିପ୍ ମଧ୍ୟ ଏହାର ସମାବେଶୀ ଢାଞ୍ଚା ନିମନ୍ତେ ପରିଚିତ ହେଉଛି । ପ୍ରତିଯୋଗିତା ୧୮ ବର୍ଷରୁ ଊଦ୍ଧ୍ୱର୍ ଉଭୟ ପୁରୁଷ ଓ ମହିଳାଙ୍କ ପାଇଁ ଉନ୍ମୁକ୍ତ ରହିଛି ଏବଂ ଏହାର ବିଭାଗଗୁଡିକ ବୟସ ଏବଂ ଓଜନ ବର୍ଗକୁ ନେଇ ବିଭକ୍ତ କରାଯାଇଛି । ପୁରୁଷ ବର୍ଗରେ ୩୦ ବର୍ଷରୁ କମ୍ ଏବଂ ୩୦ ବର୍ଷରୁ ଅଧିକ ବିଭାଗଗୁଡିକ ରହିଥିବାବେଳେ ମହିଳା ବର୍ଗରେ ୨୫ରୁ କମ୍ ଓ ୨୫ ବର୍ଷରୁ ଅଧିକ ବିଭାଗଗୁଡିକ ରହିଛି ।
ଅଂଶଗ୍ରହଣକାରୀ ପ୍ରଥମେ ଗ୍ରୁପ୍ ପର୍ଯ୍ୟାୟରେ ପ୍ରତିଦ୍ୱନ୍ଦ୍ୱିତା କରି ସମସ୍ତ ଛଅଟି ଇଭେଣ୍ଟରେ ପଏଣ୍ଟ ସଂଗ୍ରହ କରିବେ । ପ୍ରତ୍ୟେକ ବିଭାଗରେ ମୋଟ ସର୍ବାଧିକ ପଏଣ୍ଟ ହାସଲ କରୁଥିବା ଆଥଲେଟ ସମ୍ମାନଜନକ ଲାଷ୍ଟ ୱାନ୍ ଷ୍ଟାଣ୍ଡିଂ ଉପାଧି ହାସଲ କରିବେ ।
ପ୍ରତ୍ୟେକ ଇଭେଣ୍ଟର ବିଜେତାଙ୍କୁ ନଗଦ ଅର୍ଥ ପୁରସ୍କାର ପ୍ରଦାନ କରାଯିବ ଏବଂ ସର୍ବଶେଷ ବର୍ଗର ବିଜେତାମାନଙ୍କୁ ବମ୍ପର ପୁରସ୍କାର ସହିତ ସ୍ୱତନ୍ତ୍ର ସ୍ୱୀକୃତି ମିଳିବ । ମୋଟ ଉପରେ ଏହି ଚମ୍ପିଆନସିପ୍ ଚାରିଜଣ ସାମଗ୍ରିକ ବିଜେତାଙ୍କ ସହିତ ସମସ୍ତ ଛଅଟି ବ୍ୟକ୍ତିଗତ ଇଭେଣ୍ଟରେ ଅତିରିକ୍ତ ବିଭାଗର ବିଜେତାମାନଙ୍କୁ ସମ୍ମାନିତ କରିବ ।
ସାଧୁତା, ନିରାପତ୍ତା ଏବଂ ସ୍ୱଚ୍ଛତା ସୁନିଶ୍ଚିତ କରିବାକୁ ସମସ୍ତ ପ୍ରଦର୍ଶନକୁ ପ୍ରମାଣୀକୃତ ରେଫରିଙ୍କ ଦ୍ୱାରା ନିରୀକ୍ଷଣ ଏବଂ ବିଚାର କରାଯିବ ।
ଏହି କାର୍ଯ୍ୟକ୍ରମ ଏବଂ ଏହାର ଶୁଭାରମ୍ଭ ସମ୍ପର୍କରେ ପ୍ରକାଶ କରି ରାଜେଶ ରାଇ, ମ୍ୟାନେଜିଂ ଡାଇରେକ୍ଟର, ଜେରାଇ ଫିଟ୍ନେସ୍ ଆଣ୍ଡ ଆଇଡିଏଟର୍, ‘ଲାଷ୍ଟ ୱାନ ଷ୍ଟାଣ୍ଡିଂ’ କହିଥିଲେ, “ସମ୍ପ୍ରତି ସ୍ୱାଚ୍ଛନ୍ଦ୍ୟ ଆମ ଜୀବନରୁ ଗତିଶୀଳତାକୁ ହ୍ରାସ କରିଛି । ଆମର ଶରୀରଗୁଡିକ ଅତୁଳନୀୟ ସାମର୍ଥ୍ୟ ନିମନ୍ତେ ସମର୍ଥ, ତଥାପି ଆମେ ସେଗୁଡିକୁ ଯଥେଷ୍ଟ କମ୍ ଚାଲେଞ୍ଜ ଦେଉଛୁ । ଲାଷ୍ଟ ୱାନ ଷ୍ଟାଣ୍ଡିଂ ସେହି ସହଜନଶୀଳତା, ଶୃଙ୍ଖଳା ଏବଂ ମଜଭୁତପଣର ଭାବଧାରାକୁ ଫେରାଇ ଆଣିବାର ଏକ ଉପାୟ ହୋଇଛି । ଏହି ପ୍ଲାଟଫର୍ମ କେବଳ ସମ୍ମାନାସ୍ପଦ ଆଥଲୋକଙ୍କନଙ୍କ ପାଇଁ ନୁହେଁ, ବରଂ ନିଜକୁ ପରୀକ୍ଷା କରିବା ଏବଂ ସେମାନଙ୍କର ସୀମା ଊଦ୍ଧ୍ୱର୍କୁ ନେବା ନିମନ୍ତେ ଇଛୁକ ଯେକୋ÷ଣସି ଓ ପ୍ରତ୍ୟେକ ବ୍ୟକ୍ତିଙ୍କ ନିମନ୍ତେ ଉଦ୍ଦିଷ୍ଟ ।”
ଏହି ଚମ୍ପିଆନସିପ୍ ସମଗ୍ର ଭାରତରୁ ଅଂଶଗ୍ରହଣକାରୀଙ୍କୁ ଆକର୍ଷିତ କରିବା ଆଶା କରାଯାଉଛି । ଏହି ପ୍ରତିଯୋଗିତା ସହିତ କାର୍ଯ୍ୟକ୍ରମରେ ଜନତା ନିୟୋଜନକାରୀ ଜୋନ୍ , ପୁନରୁଦ୍ଧାର ସ୍ଥଳ, ପ୍ରତ୍ୟକ୍ଷ ଅନୁଭୂତି ଏବଂ ଫିଟ୍ନେସ୍ ଗୋଷ୍ଠୀ ଅଂଶଗ୍ରହଣ ଆଦି ସ୍ଥାନପାଇବ, ଯାହା ଏକ ଉଚ୍ଚ ଶକ୍ତି ପ୍ରଦାୟକ ଫିଟ୍ନେସ୍ ଉତ୍ସବର ପରିବେଶ ସୃଷ୍ଟି କରିବ ।
ଭାରତ ସମଗ୍ର ବିଶ୍ୱର ଅନ୍ୟତମ ଦ୍ରୁତତମ ଅଭିବୃଦ୍ଧିଶୀଳ ଫିଟ୍ନେସ୍ ବଜାର ଭାବରେ ଉଭା ହେଉଥିବାବେଳେ ଜେରାଇ ଫିଟ୍ନେସ୍ ବିଶ୍ୱାସ ରଖୁଛି ଯେ ଲାଷ୍ଟ ୱାନ୍ ଷ୍ଟାଣ୍ଡିଂ ଦେଶ ପାଇଁ ଏକ ଉଲ୍ଲେଖନୀୟ ଫିଟ୍ନେସ୍ ସମ୍ପତ୍ତି ହେବାର ସାମର୍ଥ୍ୟ ରଖୁଛି, ଯାହା ଜନସାଧାରଣଙ୍କୁ ଆଗକୁ ବଢିବା, ପ୍ରତଯୋଗିତା କରିବା ଏବଂ ସେମାନେ ବାସ୍ତବରେ କଣ ପାଇଁ ସମର୍ଥ ତାହା ଆବିଷ୍କାର କରିବାକୁ ପ୍ରେରଣା ଯୋଗାଉଛି ।
କାରଣ ସାମର୍ଥ୍ୟ ଯେତେବେଳେ ଉଭେଇ ଯାଏ ଏବଂ ଚାପ ବୃଦ୍ଧିପାଏ, ସେତେବେଳେ ଗୋଟିଏ ପ୍ରଶ୍ନ ରହୁଛି:
କିଏ ‘ଲାଷ୍ଟ ୱାନ୍ ଷ୍ଟାଣ୍ଡିଂ’ ହେବେ?
Powered by Froala Editor
