ମୁଖ୍ୟମନ୍ତ୍ରୀ ଡାକିଲେ ଗୁରୁତ୍ୱପୂର୍ଣ୍ଣ ବୈଠକ, ଜାଣନ୍ତୁ କାହିଁକି ?
ଭୁବନେଶ୍ୱର: ଆଜି ଅପରାହ୍ନ ୫ଟାରେ ଏକ ଗୁରୁତ୍ୱପୂର୍ଣ୍ଣ ବୈଠକ ଡାକିଛନ୍ତି ମୁଖ୍ୟମନ୍ତ୍ରୀ ମୋହନ ଚରଣ ମାଝୀ। ସପ୍ତାହକ ଭିତରେ ଦ୍ବିତୀୟ ଥର ପାଇଁ ବୈଠକ ଡାକିଛନ୍ତି ମୁଖ୍ୟମନ୍ତ୍ରୀ। ବୈଠକରେ ଆଇନଶୃଙ୍ଖଳା ପରିସ୍ଥିତି ନେଇ ସମୀକ୍ଷା କରାଯିବ। ମୁଖ୍ୟ ଶାସନ ସଚିବ, ଡିଜିପି ଏବଂ ରାଜ୍ୟର ସବୁ ଜିଲାର ଏସ୍ପି ଭିଡିଓ କନ୍ଫରେନ୍ସିଂ ଜରିଆରେ ଉକ୍ତ ବୈଠକରେ ଯୋଡ଼ି ହୋଇରହିବେ। ରାଜ୍ୟରେ ଚଳିତ ଆର୍ଥିକ ବର୍ଷ(୨୦୨୬-୨୭)ରେ ଅଦ୍ୟାବଧି କେତେଟଙ୍କା ଖର୍ଚ୍ଚ ହେଲାଣି ଏବଂ ଏହି ସମୟ ମଧ୍ୟରେ କେତେ ରାଜସ୍ବ ଆଦାୟ ହୋଇଛି ସେନେଇ ସଚିବସ୍ତରୀୟ ବୈଠକରେ ସମୀକ୍ଷା କରାଯିବ। ଖାରବେଳ ଭବନର ୮ମ ମହଲାରେ ମୁଖ୍ୟ ଶାସନ ସଚିବ ଅନୁ ଗର୍ଗଙ୍କ ଅଧ୍ୟକ୍ଷତାରେ ଅନୁଷ୍ଠିତ ହେବାକୁ ଥିବା ସଚିବସ୍ତରୀୟ ବୈଠକରେ ୪ଟି ଗୁରୁତ୍ୱପୂର୍ଣ୍ଣ ଦିଗ ଉପରେ ଆଲୋଚନା ହେବ। ପ୍ରଥମେ ସରକାରଙ୍କ ରାଜସ୍ବ ଆୟ ଏବଂ ବ୍ୟୟର ହିସାବ ନିଆଯିବ। ଏହାପରେ ପଞ୍ଚାୟତିରାଜ ବିଭାଗ ପକ୍ଷରୁ ପାନୀୟଜଳର ସୁପରିଚାଳନା ଲାଗି ପୂର୍ବ କ୍ୟାବିନେଟ୍ରେ ଆସିଥିବା ନୂତନ ପ୍ରସ୍ତାବର କାର୍ଯ୍ୟକାରିତା ଉପରେ ଆଲୋଚନା କରାଯିବ।
Powered by Froala Editor
