ବାଲିଅନ୍ତା ଘଟଣାକୁ ନେଇ ରାଜ୍ୟ ସରକାରଙ୍କୁ ଘେରିଲେ ବିଜେଡି ଓ କଂଗ୍ରେସ
ଭୁବନେଶ୍ବର : ରାଜ୍ୟରେ ଆଇନଶୃଙ୍ଖଳା ପରିସ୍ଥିତି ଏବଂ ବାଲିଅନ୍ତା ଘଟଣାକୁ ନେଇ ବିରୋଧୀ ବିଜେଡି ଓ କଂଗ୍ରେସ ରାଜ୍ୟ ସରକାରଙ୍କୁ ଘେରିଛନ୍ତି। ବିଜେଡି ନେତା ପ୍ରଶାନ୍ତ ମୁଦୁଲି କହିଛନ୍ତି, ଅପରାଧରେ ଓଡ଼ିଶା ଆଜି ୟୁପି, ବିହାରକୁ ପଛରେ ପକାଇଛି। ବିଜେପି ବିରୋଧୀ ଦଳରେ ଥିବାବେଳେ ପ୍ରତି କଥାରେ ସିବିଆଇ ତଦନ୍ତ କଥା କହୁଥିଲା। ଏବେ କୁଆଡ଼େ ଗଲା ସେକଥା। କଂଗ୍ରେସ ବିଧାୟକ ସି.ଏସ୍. ରାଜନ ଏକ୍କା କହିଛନ୍ତି ଯେ, ରାଜ୍ୟରେ ବିଜେପି ସରକାର ଆସିବା ଦିନଠାରୁ ଆଇନଶୃଙ୍ଖଳା ପରିସ୍ଥିତି ବିପର୍ଯ୍ୟସ୍ତ ହୋଇ ପଡ଼ିଛି। ପୂର୍ବରୁ ଅନେକ ଘଟଣାରେ କ୍ରାଇମବ୍ରାଞ୍ଚ ତଦନ୍ତ ହୋଇଛି। କିନ୍ତୁ କାହାର ବି ସଠିକ୍ ରିପୋର୍ଟ ଆସିନାହିଁ। ବାଲିଅନ୍ତା ଘଟଣାରେ କ୍ରାଇମବ୍ରାଞ୍ଚ ତଦନ୍ତର କୌଣସି ସଠିକ୍ ରିପୋର୍ଟ ଆସିବ ଲାଗୁନାହିଁ। ସରକାରଙ୍କ ସତ୍ସାହସ ଥିଲେ ସିବିଆଇ କିମ୍ବା ନ୍ୟାୟିକ ତଦନ୍ତ କରାନ୍ତୁ।
Powered by Froala Editor
