ବେଳାଭୂମିକୁ ଉଠି ସମୁଦ୍ର ଅଭିମୁଖେ ଯିବା ଆରମ୍ଭ କରିଛନ୍ତି ଅଲିଭ ରିଡ୍ଲେ ଛୁଆ
ଗଞ୍ଜାମ :ଗଞ୍ଜାମ ଜିଲାର ଋଷିକୁଲ୍ୟା ମୁହାଣ ଅଞ୍ଚଳ ସମୁଦ୍ର ବେଳାଭୂମିରେ ବିରଳ ଅଲିଭ ରିଡଲେ ସାମୁଦ୍ରିକ କଇଁଛ ଅଣ୍ଡାରୁ ଛୁଆ ଫୁଟିବା ଆରମ୍ଭ ହୋଇଛି। ଗଞ୍ଜାମ ବ୍ଲକ ଅନ୍ତର୍ଗତ ପୁରୁଣାବନ୍ଧ ଠାରୁ ପାଞ୍ଚ କିମି ପର୍ଯ୍ୟନ୍ତ ବେଳାଭୂମିର ବାଲୁକା ରାଶି ମଧ୍ୟରେ ପୋତି ହୋଇ ରହିଥିବା ଅଣ୍ଡା ଗୁଡ଼ିକରୁ ଛୁଆ ଫୁଟିବା ପରେ ଛୁଆ କଇଁଛ ଗୁଡ଼ିକ ବେଳାଭୂମିକୁ ଉଠି ସମୁଦ୍ର ଅଭିମୁଖେ ଯିବା ଆରମ୍ଭ କରିଛନ୍ତି। ଉକ୍ତ ପ୍ରକ୍ରିୟା ରାତ୍ରର ଥଣ୍ଡା ପରିବେଶରେ ଆରମ୍ଭ ହୋଇ ସୂର୍ଯ୍ୟୋଦୟ ପର୍ଯ୍ୟନ୍ତ ଚାଲିଥିଲା। ବୁଧବାର ଅଲିଭ ରିଡ୍ଲେ ଛୁଆ କଇଁଛଗୁଡ଼ିକ ସ୍ୱତଃପ୍ରବୃତ୍ତ ଭାବେ ସମୁଦ୍ର ମୁହାଁ ହେଉଥିବା ଦେଖିବାକୁ ମିଳିଛି l ଏହା ଏକ ସପ୍ତାହ ପର୍ଯ୍ୟନ୍ତ ଚାଲିବ ବୋଲି ବିଶେଷଜ୍ଞମାନେ ମତ ଦେଇଛନ୍ତି। ଏହି ଦୃଶ୍ୟ ଦେଖିବାକୁ ଲୋକଙ୍କ ପ୍ରବଳ ଭିଡ଼ ହୋଇଥିଲା। ଅଲିଭ ରିଡ଼ଲେ କଇଁଛ ମାନେ ଅଣ୍ଡା ଦେବାର ପ୍ରାୟ ୪୫ ରୁ ୫୦ ଦିନ ପରେ ଅଣ୍ଡାରୁ ଛୁଆ ବାହାରିଥାନ୍ତି।
ସୂଚନାଯୋଗ୍ୟ,ଚଳିତ ବର୍ଷ ୨ ଲକ୍ଷ ୫ ହଜାର ୩୨୦ ଅଲିଭ ରିଡ୍ଲେ କଇଁଛ ଅଣ୍ଡା ଦେଇଥିଲେ।
Powered by Froala Editor
