ମଧ୍ୟପ୍ରାଚ୍ୟରେ ଯୁଦ୍ଧ ଆରମ୍ଭ ହେବା ପରଠାରୁ  ବିଶ୍ଵ ତୈଳବଜାର ଏହାର ବେଶ ପ୍ରଭାବ ପଡିଛି।  ରିପୋର୍ଟ ଅନୁଯାୟୀ, ସରକାର ତୈଳ ଦର ବଢ଼ାଇବା ପାଇଁ ବିଚାର କରୁଛନ୍ତି, ଯଦିଓ ଏପର୍ଯ୍ୟନ୍ତ କୌଣସି ଆନୁଷ୍ଠାନିକ ଘୋଷଣା କରାଯାଇ ନାହିଁ। ଏହାପୂର୍ବରୁ ସରକାର ୧ ମଇ ୨୦୨୬ରୁ ୧୯ କିଲୋଗ୍ରାମ ବିଶିଷ୍ଟ ବାଣିଜ୍ୟିକ (Commercial) ଏଲପିଜି ସିଲିଣ୍ଡର ମୂଲ୍ୟରେ ବଡ଼ ଧରଣର ବୃଦ୍ଧି କରିଛନ୍ତି। ଏହି ବୃଦ୍ଧି ପରେ ଦିଲ୍ଲୀରେ ଏହାର ମୂଲ୍ୟ ୯୯୩ ଟଙ୍କାରୁ ବଢ଼ି ୩,୦୭୧.୫୦ ଟଙ୍କାରେ ପହଞ୍ଚିଛି।

ହର୍ମୁଜ୍ ପ୍ରଣାଳୀକୁ ଇରାନ ଅବରୋଧ କରିବା ଯୋଗୁଁ ଗୋଟିଏ ପଟେ ବିଶ୍ବରେ ତୈଳ ଯୋଗାଣ ବାଧାପ୍ରାପ୍ତ ହୋଇଥିବାବେଳେ ଅନ୍ୟପଟେ ଇରାନ ପ୍ରତିଶୋଧ ନେବା ପାଇଁ ପଡ଼ୋଶୀ କାତାର, କୁଏତ, ସାଉଦି ଆରବ ଏବଂ ୟୁଏଇର ତୈଳ ଓ ଗ୍ୟାସ୍ ପ୍ରକଳ୍ପ ଉପରେ ଡ୍ରୋନ୍ ଓ କ୍ଷେପଣାସ୍ତ୍ର ମାଡ଼ କରିଛି।

ଏହାଯୋଗୁଁ ତୈଳ ଉତ୍ପାଦନ ମଧ୍ୟ ବାଧାପ୍ରାପ୍ତ ହୋଇଛି । ତେହେରାନର ବ୍ୟାପକ ପ୍ରତିଶୋଧ ନେବା ଫଳରେ ହର୍ମୁଜ୍ ପ୍ରଣାଳୀକୁ ପ୍ରଭାବଶାଳୀ ଭାବରେ ବନ୍ଦ କରିଦିଆଗଲା। ଗତ ବର୍ଷ ପ୍ରତି ବ୍ୟାରେଲ ପ୍ରାୟ $୭୦ ଥିଲା ଅଶୋଧିତ ତୈଳଥିଲା। ଏପ୍ରିଲ ଶେଷ ଭାଗରେ ହାରାହାରି ପ୍ରତି ବ୍ୟାରେଲ $୧୧୪ ରୁ ଅଧିକ ହୋଇଛି।

ସରକାରୀ ସୂତ୍ରରୁ ମିଳିଥିବା ସୂଚନା ଅନୁଯାୟୀ, ଅନ୍ତର୍ଜାତୀୟ ବଜାରରେ କଞ୍ଚା ତୈଳ (Crude Oil) ଦର କ୍ରମାଗତ ଭାବେ ବଢ଼ିବାରେ ଲାଗିଛି, ଯାହାଫଳରେ ତୈଳ କମ୍ପାନୀଗୁଡ଼ିକ ପ୍ରବଳ କ୍ଷତି ସହୁଛନ୍ତି। ଆମେରିକା-ଇରାନ ଯୁଦ୍ଧ କାରଣରୁ କଞ୍ଚା ତୈଳ ଦର ବ୍ୟାରେଲ ପିଛା ୧୦୦ ଡଲାର ଅତିକ୍ରମ କରିଛି। ଅନେକ ଦେଶରେ ପୂର୍ବରୁ ହିଁ ପେଟ୍ରୋଲ ଓ ଡିଜେଲ ଦର ବୃଦ୍ଧି ପାଇସାରିଛି। ତେଣୁ ଭାରତରେ ମଧ୍ୟ ଏହି ବୃଦ୍ଧିର ସମ୍ଭାବନା ଜୋର ଧରିଛି, କିନ୍ତୁ କେତେ ଟଙ୍କା ବଢ଼ିବ ସେ ନେଇ ସ୍ଥିତି ସ୍ପଷ୍ଟ ହୋଇନାହିଁ।

Powered by Froala Editor