ଦ୍ୱାରକାରେ ଫେବୃଆରୀ ମାସରେ ଏକ ସଡ଼କ ଦୁର୍ଘଟଣାରେ ମୃତ୍ୟୁବରଣ କରିଥିବା ଜଣେ ୨୩ ବର୍ଷୀୟ ଯୁବକଙ୍କ ମାଆ ଇନ୍ନା ମାକନ୍ ସୋସିଆଲ ମିଡିଆରେ ଭିଡିଓ ସେୟାର କରିଛନ୍ତି। ଯେଉଁଥିରେ ସେ ଦାବି କରିଛନ୍ତି ଯେ ତାଙ୍କ ପୁଅକୁ ଜଣେ ନାବାଳକ ହତ୍ୟା କରିଛି ।

ରବିବାର ସେୟାର କରାଯାଇଥିବା ଏକ ଭିଡିଓ ବାର୍ତ୍ତାରେ ତାଙ୍କ ମାଆ ସରକାର, ଗଣମାଧ୍ୟମ ଏବଂ ସ୍ଥାନୀୟ ବାସିନ୍ଦାଙ୍କୁ ନ୍ୟାୟ ପାଇବାରେ ସାହାଯ୍ୟ କରିବାକୁ ନିବେଦନ କରିଛନ୍ତି। ସେ କହିଛନ୍ତି ମୁଁ ୨୩ ବର୍ଷ ଧରି ମୋ ପୁଅକୁ ପାଳି ଆସୁଥିଲି। ଫେବୃଆରୀ ୩ ତାରିଖରେ ମୋର ନିର୍ଦ୍ଧୋଷ ପୁଅକୁ ଗାଡି ଚଢାଇ ଦେଇଥିଲା।ଯିଏ “ସ୍ପିଡ୍ ମଜାଦାର ରିଲ୍” ତିଆରି କରି ବେପରୁଆ ଭାବରେ ଏକ୍ସୟୁଭି ଚଲାଉଥିଲା।

ଦିଲ୍ଲୀ ପୋଲିସର ସୂଚନା ଅନୁଯାୟୀ, ଦ୍ୱାରକାର ଲାଲ ବାହାଦୁର ଶାସ୍ତ୍ରୀ କଲେଜ ନିକଟରେ ଫେବୃଆରୀ ୩ ତାରିଖରେ ଦୁର୍ଘଟଣାରେ ସାହିଲ ଧନେଶରାଙ୍କ ମୃତ୍ୟୁ ହୋଇଥିଲା। ଦୁର୍ଘଟଣାଟି ଫେବୃଆରୀ ୩ ତାରିଖ ସକାଳ ପ୍ରାୟ ୧୧ଟା ୫୭ ମିନିଟରେ ଘଟିଥିଲା। ଅଧିକାରୀମାନେ ପହଞ୍ଚିବା ପରେ ସେମାନେ ଏକ ଏକ୍ସୟୁଭି, ଏକ କାର ଏବଂ ଏକ ମୋଟର ସାଇକେଲକୁ ଗୁରୁତର ଭାବରେ କ୍ଷତିଗ୍ରସ୍ତ ହୋଇଥିବା ଦେଖିଥିଲେ। ମୋଟରସାଇକେଲ ଆରୋହୀ, ଯାହାଙ୍କୁ ପରେ ସାହିଲ ଧନେଶରା ଭାବରେ ଚିହ୍ନଟ କରାଯାଇଥିଲା। 

Powered by Froala Editor