ଗୋରୁ ଵୋଝେଇ କଣ୍ଟେନରରୁ ୧୯ଟି ମୃତ ଗୋରୁ ଉଦ୍ଧାର
ମୟୁରଭଞ୍ଜ : ଆଜି ରାଜପଥ କଡରେ ଛିଡା ହୋଇଥିବା ଏକ କଣ୍ଟେନରରୁ ୨୫ ଗୋରୁ ଉଦ୍ଧାର କରାଯାଇଛି। ସେଥିମଧ୍ୟରେ ରହିଛନ୍ତି ୧୯ଟି ମୃତ ଓ ୬ ଜୀବିତ ଗୋରୁ । ମିଳିଥିବା ସୂଚନା ଅନୁଯାୟୀ ୪୯ ନଂ ମୁମ୍ବାଇ-କଲିକତା ରାଜପଥର ବିଶୋଇ ଥାନା ଅଞ୍ଚଳ ଆଇଟିଆଇ ଛକ ନିକଟରେ ଏକ ଗୋରୁ ଵୋଝେଇ କଣ୍ଟେନର ଆଜି ସକାଳୁ ଛିଡା ହୋଇଥିଲା। ସ୍ଥାନୀୟ ଜନତା କଣ୍ଟେନର ଭିତରୁ ପଚା ଦୁର୍ଗନ୍ଧ ବାହାରୁଥିବା ଓ ଗାଡିରୁ ପଚାରକ୍ତ ପାଣି ପଡୁଥିବା ଦେଖି ସନ୍ଦେହ କରି ବିଶୋଇ ଥାନାକୁ ଜଣାଇଥିଲେ।
ଖବରପାଇ ବିଶୋଇ ଥାନା ଅଧିକାରୀ ଶରତ ଚନ୍ଦ୍ର ଦାସ ଘଟଣା ସ୍ଥଳରେ ପହଞ୍ଚି କଣ୍ଟେନର ଭିତରୁ ଗୋରୁ ଗୁଡିକୁ ଉଦ୍ଧାର କରିଥିଲେ। ସେଥିମଧ୍ୟରୁ ୧୯ଟି ଗୋରୁଙ୍କର ମୃତ ହୋଇଯାଇଥିବା ବେଳେ ୬ଟି ଗୋରୁକୁ ଜୀବିତ ଅବସ୍ଥାରେ ଉଦ୍ଧାର କରାଯାଇଛି। ରାଜପଥ ସନ୍ନିକଟ ଏକ ପଡ଼ିଆରେ ଗାତ ଖୋଳି ମୃତ ଗୋରୁ ମାନଙ୍କୁ ପୋତାଯାଇଛି। ଜୀବିତ ଗୋରୁ ଗୁଡିକୁ ଥାନା ପରିସରକୁ ଅଣାଯାଇଥିଲା।
Powered by Froala Editor
