ଗ୍ରୀନ ଷ୍ଟିକର ଗାଡ଼ିରେ ଲଗାଇବା ବାଧ୍ୟତାମୂଳକ ନୁହେଁ । ଗ୍ରୀନ ଷ୍ଟିକର ନେଇ ବଡ଼ ସୂଚନା ଦେଲେ ପରିବହନ ମନ୍ତ୍ରୀ ବିଭୂତି ଭୂଷଣ ଜେନା । ବିଭୂତି ଭୂଷଣ ଜେନାଙ୍କ କହିବା ଅନୁସାରେ, ଏହି ମାସରେ ସମସ୍ତ ଆରଟିଓକୁ ପର୍ଯ୍ୟାପ୍ତ ପରିମାଣର ଗ୍ରୀନ ଷ୍ଟିକର ଦିଆଯିବ । ଗ୍ରୀନ ଷ୍ଟିକର କେବଳ ଏକ ସୂଚକ, କୌଣସି ଦେୟ ଦେବାକୁ ପଡ଼ିବ ନାହିଁ । ଏଥିପାଇଁ କୌଣସି ଅତ୍ୟଧିକ ବୋଝ ନେବାର ଆବଶ୍ୟକତା ନାହିଁ । ପଲ୍ୟୁସନ ପ୍ରମାଣପତ୍ର ଦେବା ବେଳେ ଗ୍ରିନ ଷ୍ଟିକର ଦେଲେ ଭଲ କିନ୍ତୁ ଅଧିକ ବୋଝ ନ ହେବା ଲାଗି ସରକାର ଏହାକୁ ଅଲଗା ରଖିଛନ୍ତି । ନିୟମ ଯେଉଁଥିରେ ଲୋକ ସମସ୍ୟାର ସମ୍ମୁଖୀନ ହେବେ ତାକୁ ସରଳୀକରଣ କରାଯିବ ବୋଲି କହିଛନ୍ତି ପରିବହନ ମନ୍ତ୍ରୀ ।

ସେପଟେ ପରିବହନ ସଚିବ କହିଛନ୍ତି, ନଭେମ୍ବର ୧୦ରୁ ସବୁଜ ଷ୍ଟିକର ମିଳିବ । ଆରଟିଓ କାର୍ଯ୍ୟାଳୟ ଓ ପ୍ରଦୂଷଣ ପରୀକ୍ଷଣ କେନ୍ଦ୍ରରେ ଷ୍ଟିକର ମିଳିବ ବୋଲି କହିଛନ୍ତି ପରିବହନ ବିଭାଗ ସଚିବ ଉଷା ପାଢୀ । ଏହା କିନ୍ତୁ ବାଧ୍ୟତାମୂଳକ ନୁହେଁ । ପ୍ରଦୂଷଣ ସାର୍ଟିଫିକେଟ ବାଧ୍ୟତାମୂଳକ। ସବୁଜ ଷ୍ଟିକର କିନ୍ତୁ ଲଗେଇଲେ ଭଲ ବୋଲି କହିବା ସହ ସୁବାହକ ହେବା ପାଇଁ ପରାମର୍ଶ ଦେଇଛନ୍ତି । 

ଯେଉଁମାନେ PUC ପାଇ ସାରିଛନ୍ତି ସେମାନେ RTO କାର୍ଯ୍ୟାଳୟରୁ ଟିକେଟ ନେଇ ପାରିବେ । ପେଟ୍ରୋଲ ସାଙ୍ଗରେ ନିୟମର କଣସି ସମ୍ପର୍କ ନାହିଁ । କିନ୍ତୁ ଲୋକଙ୍କୁ ନୀତି ନିୟମ ମାନିବ ପାଇଁ ସରକାର ସଚେତନ କରୁଛନ୍ତି । 

Powered by Froala Editor