ଭୁବନେଶ୍ୱର: ହିଣ୍ଡାଲ୍‌କୋ ଇଣ୍ଡଷ୍ଟ୍ରିଜ ଲିମିଟେଡର ଏକ ୟୁନିଟ୍‌ ଆଦିତ୍ୟ ଆଲୁମିନିୟମ ଜଳ ପରିଚାଳନା ଏବଂ ଜୈବ ବିବିଧତା ଉପରେ ୟୁଏନ୍‌ ଗ୍ଲୋବାଲ କମ୍ପାକ୍ଟ ନେଟୱର୍କ ଇଣ୍ଡିଆ (ୟୁଏନ୍‌ଜିସିଏନ୍‌ଆଇ) ସହଯୋଗୀତାରେ ଏକ ଦୁଇ ଦିନିଆ କର୍ପୋରେଟ ତାଲିମ କାର୍ଯ୍ୟକ୍ରମ ଆୟୋଜନ କରିଥିଲା । ଏହି କାର୍ଯ୍ୟକ୍ରମ କମ୍ପାନୀର ସମ୍ବଲପୁର ଜିଲ୍ଲାର ଲପଙ୍ଗାସ୍ଥିତ କାରଖାନାରେ ନଭେମ୍ବର ୧୮ ଓ ୧୯ ତାରିଖରେ ଆୟୋଜିତ ହୋଇଥିଲା । ଏଥିରେ ସମଗ୍ର ସମ୍ବଲପୁର, ଝାରସୁଗୁଡା ଏବଂ ଓଡ଼ିଶାରୁ ୨୨ଟି ଅଗ୍ରଣୀ ଶିଳ୍ପ ଓ ଶିକ୍ଷା ସଂସ୍ଥାନଗୁଡିକରୁ ପ୍ରାୟ ୫୦ ଜଣ ଅଂଶଗ୍ରହଣକାରୀ ଭାଗ ନେଇଥିଲେ ।

ଏହି କର୍ମଶାଳା ଜଳ ସଂରକ୍ଷଣ, ଜଳର ମାନ ପରିଚାଳନା ଏବଂ ନଦୀ ପରିବ୍ୟବସ୍ଥା ସ୍ୱାସ୍ଥ୍ୟ ସମ୍ପର୍କିତ ବୈଷୟିକ ଓ ନୀତିସମ୍ପର୍କିତ ସାମର୍ଥ୍ୟକୁ ସୁଦୃଢ କରିବା ଲକ୍ଷ୍ୟ ରଖିଥିଲା । ଏଥିରେ ମଧ୍ୟ ମଜଭୁତ ନଦୀ ଅବବାହିକାଗୁଡିକୁ ବଜାୟ ରଖିବାରେ ନଦୀକୂଳିଆ ଜୈବ ବିବିଧତାର ଗୁରୁତ୍ୱ ସମ୍ପର୍କରେ ଆଲୋକପାତ କରାଯାଇଥିଲା ।

କାର୍ଯ୍ୟକ୍ରମକୁ ଡ. ଏସ.ଏନ.ନନ୍ଦ, ରିଜିଓନାଲ ଅଫିସର, ରାଜ୍ୟ ପ୍ରଦୂଷଣ ନିୟନ୍ତ୍ରଣ ବୋର୍ଡ (ଏସ୍‌ପିସିବି), ସମ୍ବଲପୁର ଆନୁଷ୍ଠାନିକ ଭାବରେ ଉଦ୍‌ଘାଟନ କରିଥିଲେ । ତାଙ୍କ ସହିତ ଶ୍ରୀ ରତ୍ନେଶ ଝା, ଏକ୍‌ଜିକୁ୍ୟଟିଭ ଡାଇରେକ୍ଟର, ୟୁଏନ୍‌ଜିସିଏନ୍‌ଆଇ; ଶ୍ରୀମତୀ ବୈଶାଳୀ ସୁରାୱାର, ଚିଫ୍‌ ସଷ୍ଟେନେବିଲିଟି ଅଫିସର, ହିଣ୍ଡାଲ୍‌କୋ ଇଣ୍ଡଷ୍ଟ୍ରିଜ; ଏବଂ ଶ୍ରୀ ଜଗନ୍ନାଥ ପି ନାୟକ, ୟୁନିଟ ହେଡ, ଆଦିତ୍ୟ ଆଲୁମିନିୟମ ପ୍ରମୁଖ ଯୋଗ ଦେଇଥିଲେ ।

ତାଲିମ କାର୍ଯ୍ୟକ୍ରମରେ ଅଂଶଗ୍ରହଣକାରୀଙ୍କ ମଧ୍ୟରେ ବେଦାନ୍ତ, ଟାଟା, ଜେଏସ୍‌ଡବ୍ଲୁ୍ୟ-ବିପିଏସଏଲ, ଶ୍ୟାମ, ବିରାଜ, ଅଲ୍‌ଟ୍ରାଟେକ ସିମେଣ୍ଟ, ହିଣ୍ଡାଲ୍‌କୋ ଇଣ୍ଡଷ୍ଟ୍ରିଜ ଲିମିଟେଡ, ଅଏଲ ଇଣ୍ଡିଆ ଲିମିଟେଡ, ଉଷା ମାର୍ଟିନ, ଟିଆରଏଲ୍‌ ଆଦି ପ୍ରମୁଖ ଶିଳ୍ପଗୁଡିକରୁ ପ୍ରତିନିଧିଗଣ ଏବଂ ଆଇୟୁସିଏନ୍‌ ଓ ଜିସିଆର୍‌ଏସର ସଦସ୍ୟମାନେ ଭାଗ ନେଇଥିଲେ । ଜୈବ ବିବିଧତା ସଂରକ୍ଷଣ, ଜଳ ସମ୍ପଦ ପରିଚାଳନା ଏବଂ ଶିକ୍ଷାୟତନ ଆଦି କ୍ଷେତ୍ରରୁ ବିଶେଷଜ୍ଞମାନେ ଜଳ ଆପଦ ଆକଳନ, ପରିଚାଳନା ପଦ୍ଧତିସମୂହ ଏବଂ ସଫଳତାର ସହିିତ ନଦୀ ଅବବାହିକା ପରିଚାଳନା ନିମନ୍ତେ ଉନ୍ନତ ଡାଟା ଆନାଲିଟିକ୍ସର ବ୍ୟବହାର ଆଦି ସମ୍ପର୍କରେ ଅନ୍ତର୍ଦୃଷ୍ଟି ପ୍ରଦାନ କରିଥିଲେ ।

କାର୍ଯ୍ୟକ୍ରମର ଏକ ମୁଖ୍ୟ ବିଷୟ ଥିଲା ସମ୍ବଲପୁର ନିକଟରେ ହିଣ୍ଡାଲ୍‌କୋ ପକ୍ଷରୁ ଅଧୋପତିତ ଜମିର ପରିବେଶଗତ ପୁନରୁଦ୍ଧାର ଏବଂ ସ୍ଥାନୀୟ ଜୈବ ବିବିଧତାର ପୁନଃସଂସ୍ଥାପନ ନିମନ୍ତେ ନିଆଯାଇଥିବା ପ୍ରୟାସ ସ୍ଥଳକୁ ଗସ୍ତ କରିବା । ଏହି ଗସ୍ତ କାର୍ଯ୍ୟକ୍ରମ ଅଂଶଗ୍ରହଣକାରୀଙ୍କୁ ବାସ୍ତବ ଦୁନିଆଁର ପରିବେଶ ପରିଚାଳନା କାର୍ଯ୍ୟାଭ୍ୟାସ ସମ୍ପର୍କରେ ବ୍ୟବହାରିକ ପ୍ରଦର୍ଶନ କରାଇଥିଲା । ଅଂଶଗ୍ରହଣକାରୀମାନେ ମଧ୍ୟ ହିଣ୍ଡାଲ୍‌କୋ ପକ୍ଷରୁ କାରଖାନା ପରିସର ବାହାରେ ବୃକ୍ଷ ଚାରା ରୋପଣ ସହିତ ବ୍ୟାପକ ବନୀକରଣ ଏବଂ ଜୈବ ବିବିଧତା ସଂରକ୍ଷଣ ପ୍ରୟାସଗୁଡିକ ସ୍ୱଚକ୍ଷୁରେ ଲକ୍ଷ୍ୟ କରିଥିଲେ ।

ସମୁଦାୟ ଦୁଇଦିନ ଧରି ଏହି କର୍ମଶାଳା ମହାନଦୀ ଅବବାହିକାର ସ୍ୱାସ୍ଥ୍ୟ ଓ ମଜଭୁତପଣରେ ବୃଦ୍ଧି ଘଟାଇବା ନିମନ୍ତେ ଜଳ ଆପଦ ଦୂରକରିବାର ରଣକୋ÷ଶଳ, ପରିଚାଳନା ସାଧନ ଏବଂ ତଥ୍ୟ ଆଧାରିତ ଆଭିମୁଖ୍ୟଗୁଡିକ ସମ୍ପର୍କରେ ଅନୁଧ୍ୟାନ କରିଥିଲା । ଏହିଭଳି ସମୃଦ୍ଧ ଜ୍ଞାନ ସହଭାଗୀ ମଞ୍ଚ ଆୟୋଜନ ଏବଂ ବ୍ୟବହାରିକ ଦୀର୍ଘସ୍ଥାୟୀ ପ୍ରୟାସଗୁଡିକରୁ ବାସ୍ତବ ଅନ୍ତର୍ଦୃଷ୍ଟି ପ୍ରଦାନ ନେଇ ଅଂଶଗ୍ରହଣକାରୀମାନେ ଏହାକୁ ପ୍ରଶଂସା କରିଥିଲେ । 

ସମସ୍ତ ଅଂଶଗ୍ରହଣକାରୀ ସଂସ୍ଥାନସମୂହ ଏବଂ ସେମାନଙ୍କର ବିଶେଷଜ୍ଞମାନଙ୍କୁ ଜଳ ସୁରକ୍ଷା ପ୍ରୟାସକୁ ଆଗେଇ ନେବା ଏବଂ ଉକ୍ତ ଅଞ୍ଚଳରେ ଜୈବ ବିବିଧତାର ସଂରକ୍ଷଣ ଦିଗରେ ସେମାନଙ୍କର ପ୍ରତିବଦ୍ଧତା ନିମନ୍ତେ ଧନ୍ୟବାଦ ଜ୍ଞାପନ କରାଯିବା ସହିତ କାର୍ଯ୍ୟକ୍ରମ ପରିସମାପ୍ତ ହୋଇଥିଲା ।

Powered by Froala Editor