ବିହାରର ସଡ଼କରୁ ମିଳିଲା VVPAT ସ୍ଲିପ୍
ବିହାରରେ ପ୍ରଥମ ପର୍ଯ୍ୟାୟ ବିଧାନସଭା ନିର୍ବାଚନ ପରେ ସମସ୍ତିପୁର ଜିଲ୍ଲା ସରାୟରଞ୍ଜନ ବିଧାନସଭା ଆସନର କେଏସ୍ଆର କଲେଜ ନିକଟରେ ଅନେକ ସଂଖ୍ୟାରେ ଭିଭିପାଟ୍ ସ୍ଲିପ୍ ମିଳିଛି । ଏହି ଘଟଣାକୁ ନେଇ ବିରୋଧୀ ଆର୍ଜେଡି ନିର୍ବାଚନ କମିଶନଙ୍କୁ ଘେରିଛି ।
ଏହି ଘଟଣାକୁ ନେଇ ନିର୍ବାଚନୀ ପ୍ରକ୍ରିୟା ଓ ନିର୍ବାଚନ ଆୟୋଗଙ୍କ ପାରଦର୍ଶିତା ଉପରେ ପ୍ରଶ୍ନ ଉଠାଇଛି ଆରଜେଡି । ଇଭିଏମରୁ ବାହାରୁ ଥିବା VVPAT ପର୍ଚି ମିଳିବା ନେଇ ଆରଜେଡି ପକ୍ଷରୁ ଏକ୍ସ’ରେ ପୋଷ୍ଟ କରାଯାଇଛି । କେବେ, କିପରି ଓ କାହା ଇସାରାରେ ଏହି ପର୍ଚିଗୁଡ଼ିକୁ ଫିଙ୍ଗାଯାଇଛି ? ଚୋର ଆୟୋଗ କ’ଣ ଏହାର ଜବାବ ଦେବ? ବାହାରୁ ଆସି ବିହାରରେ ଡେରା ପକାଇଥିବା ଲୋକତନ୍ତ୍ରର ଡକାୟତଙ୍କ ନିର୍ଦ୍ଦେଶରେ କ’ଣ ଏହା ହେଉଛି ?
ସେପଟେ ନିର୍ବାଚନ କମିଶନ ଏଥିନେଇ ସ୍ପଷ୍ଟୀକରଣ ରଖିଛନ୍ତି । ସିଇସି ଜ୍ଞାନେଶ କୁମାର କହିଛନ୍ତି, ସମସ୍ତିପୁର ଜିଲ୍ଲାପାଳଙ୍କୁ ଘଟଣାସ୍ଥଳ ପରିଦର୍ଶନ କରି ତଦନ୍ତ କରିବାକୁ ନିର୍ଦ୍ଦେଶ ଦିଆଯାଇଛି । ରାସ୍ତା କଡ଼ରୁ ମିଳିଥିବା ଭିଭିପାଟ୍ ସ୍ଲିପ୍ଗୁଡ଼ିକ ଭୋଟିଂ ପୂର୍ବରୁ ହେଉଥିବା ମକ୍ ପୋଲ୍ର ସ୍ଲିପ୍ ହୋଇଥିବାରୁ ମତଦାନ ପ୍ରକ୍ରିୟାର ଅଖଣ୍ଡତା ବଜାୟ ରହିଛି । ଏ ସଂପର୍କରେ ସେହି ଆସନର ପ୍ରାର୍ଥୀମାନଙ୍କୁ ମଧ୍ୟ ଜିଲ୍ଲାପାଳ ସୂଚୀତ କରିଛନ୍ତି । ଦାୟିତ୍ୱହୀନତା ଲାଗି ଜଣେ ଆସିଷ୍ଟାଣ୍ଟ ରିଟର୍ଣ୍ଣିଂ ଅଫିସର(ଏଆର୍ଓ)ଙ୍କୁ ନିଲମ୍ବନ କରାଯାଇଛି । ଏଫ୍ଆଇଆର ମଧ୍ୟ ହୋଇଛି ।
Powered by Froala Editor
