ଆଉ ନାହାନ୍ତି  ରିଷଭ ଟଣ୍ଡନ। ଦିଲ୍ଲୀରେ ତାଙ୍କର ହୃଦଘାତରେ ମୃତ୍ୟୁ ହୋଇଥିଲା। ମନୋରଞ୍ଜନ ଇଣ୍ଡଷ୍ଟ୍ରିରୁ ଏହି ଦୁଃଖଦ ଖବର ସାମ୍ନାକୁ ଆସିଛି। ୩୫ବର୍ଷ ବୟସରେ ଋଷଭଙ୍କ ଦେହାନ୍ତ ହୋଇଥିବା ଜଣାଯାଇଛି। ମଙ୍ଗଳବାର ତାଙ୍କର ଦେହାନ୍ତ ହୋଇଥିବା ବେଳେ ବୁଧବାର ତାଙ୍କର ଜଣେ ବନ୍ଧୁ ତାଙ୍କ ମୃତ୍ୟୁକୁ ନିଶ୍ଚିତ କରିଛନ୍ତି। ଋଷଭ ତାଙ୍କ ପରିବାରକୁ ଭେଟିବା ପାଇଁ ଦିଲ୍ଲୀସ୍ଥିତ ତାଙ୍କ ଘରକୁ ଯାଇଥିଲେ, ଯେଉଁଠାରେ ତାଙ୍କର ହୃଦଘାତରେ ମୃତ୍ୟୁ ହୋଇଥିଲା ବୋଲି କୁହାଯାଉଛି।

ରିଷଭ ତାଙ୍କ ପତ୍ନୀଙ୍କ ସହ ମୁମ୍ବାଇରେ ରହୁଥିଲେ। ସେ ତାଙ୍କ ପରିବାର ସହିତ ଦୀପାବଳି ପାଳନ କରିବାକୁ ଦିଲ୍ଲୀ ଆସିଥିଲେ। କିନ୍ତୁ କିଏ ଜାଣିଥିଲା ଏହା ତାଙ୍କ ପରିବାର ସହିତ ରିଷଭଙ୍କ ଶେଷ ଦୀପାବଳି ହେବ। ଏହି କଷ୍ଟକର ସମୟରେ ଅଭିନେତାଙ୍କ ପରିବାର ଗୋପନୀୟତା ପାଇଁ ଅନୁରୋଧ କରିଛନ୍ତି। ପ୍ରଶଂସକମାନେ ସୋସିଆଲ ମିଡିଆରେ ତାଙ୍କୁ ଶ୍ରଦ୍ଧାଞ୍ଜଳି ଦେଇଛନ୍ତି। ରିଷଭଙ୍କ ହଠାତ୍‌ ଦେହାନ୍ତ କେହି କଳ୍ପନା କରିପାରୁ ନାହାନ୍ତି। ଋଷଭ "ୟେ ଆଶିକି," "ଇଶ୍କ ଫକିରାନା" ଏବଂ "ଚାନ୍ଦ ତୁ" ଭଳି ଲୋକପ୍ରିୟ ଗୀତ ଗାଇଥିବା ଜଣାଯାଇଛି।

ଋଷଭ ଟଣ୍ଡନ୍ ସଙ୍ଗୀତ ଏବଂ ଅଭିନୟ ଉଭୟରେ ସ୍ୱତନ୍ତ୍ରତା ହାସଲ କରିଥିଲେ। ସେ ଜଣେ ପ୍ରବୀଣ ଗାୟକ ଏବଂ ସଂଗୀତକାର ଥିଲେ, ଏବଂ ତାଙ୍କର ଅନେକ ଗୀତ ଯୁବପିଢ଼ିଙ୍କ ମଧ୍ୟରେ ବହୁତ ଲୋକପ୍ରିୟ ହୋଇଥିଲା। ତାଙ୍କର ମଞ୍ଚ ନାମ "ଫକିର" ଥିଲା।

Powered by Froala Editor