ଦୈନିକ ପିଅନ୍ତୁ ଏହି ଜୁସ୍
ଯଦି ଆପଣ ଦିନର ଆରମ୍ଭ କିଛି ସୁସ୍ଥ ଓ ପ୍ରାକୃତିକ ଜିନିଷ ସହିତ କରିବାକୁ ଚାହୁଁଛନ୍ତି, ତେବେ ABC ଜୁସ୍ରୁ ଉତ୍ତମ ଆଉ କିଛି ନାହିଁ। ଏହି ଜୁସ ତିନୋଟି ସୁପରଫୁଡ- ସେଓ (Apple), ଗାଜର (Carrot) ଓ ଚୁକନ୍ଦର (Beetroot)ରୁ ତିଆରି ହୁଏ, ଯାହା ଶରୀରକୁ ଅନ୍ତର୍ନିହିତ ଭାବେ ଡିଟକ୍ସ କରିବା ସହ ହୃଦୟକୁ ମଧ୍ୟ ସୁସ୍ଥ ରଖିବାରେ ସାହାଯ୍ୟ କରେ। ଆଜିର ଧାଆଁଧାପଡ଼ ଜୀବନଶୈଳୀରେ, ଏକ ଏପରି ପାନୀୟ ଯାହା ଫିଟନେସ ଓ ହୃଦୟର ସ୍ବାସ୍ଥ୍ୟ ଦୁଇଟିକୁ ଧ୍ୟାନରେ ରଖେ, ତାହାକୁ ଦୈନିକ ରୁଟିନରେ ଅନ୍ତର୍ଭୁକ୍ତ କରିବା ଜରୁରୀ।
ହୃଦୟ ସ୍ବାସ୍ଥ୍ୟ ପାଇଁ ସର୍ବୋତ୍ତମ
ବିଟ୍ରେ ପ୍ରାକୃତିକ ନାଇଟ୍ରେଟ୍ସ ରହିଛି, ଯାହା ରକ୍ତଚାପକୁ ନିୟନ୍ତ୍ରଣ କରେ ଓ ହୃଦୟକୁ ସୁସ୍ଥ ରଖେ। ଏହା ସହ ସେଓ ଓ ଗାଜର ହୃଦୟର ସ୍ପନ୍ଦନକୁ ନିୟମିତ ରଖିବାରେ ସାହାଯ୍ୟ କରେ।
ଚର୍ମରେ ଆଣେ ପ୍ରାକୃତିକ ଚମକ
ଏହି ଜୁସ ପିଇବା ଦ୍ୱାରା ଚର୍ମରେ ଚମକ ଆସେ ଓ ଚର୍ମକୁଞ୍ଚନ କମିଯାଏ। ଭିଟାମିନ C ଓ A ଚର୍ମକୁ ମରାମତି କରେ ଓ ଏହାକୁ ସୁସ୍ଥ ରଖେ।
ପ୍ରତିରୋଧକ ଶକ୍ତି ବୃଦ୍ଧିକାରୀ
ଯଦି ଆପଣ ବାରମ୍ବାର ଅସୁସ୍ଥ ହେଉଛନ୍ତି, ତେବେ ABC ଜୁସ ଆପଣଙ୍କ ପାଇଁ ଏକ ବୁଷ୍ଟର ଭଳି କାମ କରିବ। ଏଥିରେ ଥିବା ପୋଷକ ତତ୍ତ୍ୱ ଶରୀରର ରୋଗ ସହ ଲଢ଼ିବାର କ୍ଷମତାକୁ ବୃଦ୍ଧି କରେ।
Powered by Froala Editor
