ବୃନ୍ଦାବନରେ କରୁଥିବା ସତସଙ୍ଗ ତାଙ୍କୁ ଭେଟିବାକୁ ଆସୁଥିବା ସେଲିବ୍ରିଟିଙ୍କ କାରଣରୁ ପ୍ରେମାନନ୍ଦ ମହାରାଜ ସବୁବେଳେ ଚର୍ଚ୍ଚାରେ ରହିଥାନ୍ତି । ରାଜ କୁନ୍ଦ୍ରା, ବିରାଟ କୋହଲିଙ୍କ ଭଳି ଅନେକ ସେଲିବ୍ରିଟି ତାଙ୍କ ଅନୁସରଣକାରୀଙ୍କ ମଧ୍ୟରେ ଅଛନ୍ତି ।  ନିକଟରେ ରାଜ୍ କୁନ୍ଦ୍ରା ତାଙ୍କୁ ତାଙ୍କର କିଡନୀ ଦାନ କରିବାକୁ ପ୍ରସ୍ତାବ ଦେଇଥିଲେ। ଏହା ‌ଜାଣି ଭୋଜପୁରୀ ଅଭିନେତା ଖେସାରି ଲାଲ ଯାଦବ କହିଥିଲେ ଯେ, "ଏସବୁ ଏକ ଶସ୍ତା ପବ୍ଲିସିଟି ଷ୍ଟଣ୍ଟ ପାଇଁ କରାଯାଉଛି। ପ୍ରେମାନନ୍ଦଜୀ ପାପ ଧୋଇବା ମେସିନ୍ ନୁହନ୍ତି।"

ଏହି ବିବାଦ ମଧ୍ୟରେ ଜଗଦଗୁରୁ ରାମଭଦ୍ରାଚାର୍ଯ୍ୟଙ୍କ ବୟାନ ସାମ୍ନାକୁ ଆସିଛି, ଯେଉଁଥିରେ ସେ ପ୍ରେମାନନ୍ଦଜୀଙ୍କୁ ଚ୍ୟାଲେଞ୍ଜ କରିଥିବା ଜଣାଯାଇଛି। ରାମଭଦ୍ରାଚାର୍ଯ୍ୟ କହିଥିଲେ, "ମୁଁ ପ୍ରେମାନନ୍ଦଙ୍କୁ ଏକ ଚମତ୍କାର ବୋଲି ମାନେନାହିଁ। ସେ ମୋ ସମ୍ମୁଖରେ ସଂସ୍କୃତର ଗୋଟିଏ ଶବ୍ଦ କିମ୍ବା ସଂସ୍କୃତ ଶ୍ଲୋକର ଅର୍ଥ ବୁଝାଇ ଦେଖାନ୍ତୁ ତ। ସେ ମୋ ପିଲା ପରି। ଯଦି କେହି ଶାସ୍ତ୍ର ଜାଣନ୍ତି ତେବେ ତାଙ୍କୁ ଚମତ୍କାରୀ କୁହାଯାଇପାରିବ। କିନ୍ତୁ ପ୍ରେମାନନ୍ଦ ଚମତ୍କାରୀ ନୁହନ୍ତି।

କିଡନୀ ଡାଏଲିସିସ୍ ହୁଏ । ତାଙ୍କୁ ଯାହା କରିବାକୁ ଇଚ୍ଛା ତାହା କରିବାକୁ ଦିଅନ୍ତୁ । ସମସ୍ତ ସେଲିବ୍ରିଟି ତାଙ୍କ ପାଖକୁ ସେମାନଙ୍କର ପ୍ରତିଛବି ଉଜ୍ଜ୍ୱଳ କରିବା ପାଇଁ ଆସନ୍ତି । ପ୍ରେମାନନ୍ଦଜୀଙ୍କ ଲୋକପ୍ରିୟତାକୁ ନେଇ ରାମଭଦ୍ରାଚାର୍ଯ୍ୟ କହିଛନ୍ତି ଯେ, "ଏହା ଭଲ। କିନ୍ତୁ ଏହି ଲୋକପ୍ରିୟତା କିଛି ମୁହୂର୍ତ୍ତ ପାଇଁ ରହିଥାଏ। ଲୋକେ ତାଙ୍କୁ ଚମତ୍କାର କହିବା ମୋ ପାଇଁ ଗ୍ରହଣୀୟ ନୁହେଁ।"

Powered by Froala Editor